KTR | కేటీఆర్‌కు ఏసీబీ నోటీసులు.. సహకరిస్తానన్న బీఆర్‌ఎస్‌ వర్కింగ్‌ ప్రెసిడెంట్‌..!

KTR | ఫార్ములా-ఈ కేసులో కేటీఆర్‌కు ఏసీబీ నోటీసులు జారీ చేసింది. ఈ నెల 28న విచారణకు రావాలని చెప్పింది. ఏసీబీ నోటీసులు జారీ చేసిన విషయాన్ని కేటీఆర్‌ సోషల్‌ మీడియా వేదికగా వెల్లడించారు. ఫార్ములా ఈ కేసులో ఏసీబీ తనకు నోటీసులు ఇచ్చిందని తెలిపారు.

KTR | ఫార్ములా-ఈ కేసులో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌కు ఏసీబీ నోటీసులు జారీ చేసింది. ఈ నెల 28న విచారణకు రావాలని చెప్పింది. ఏసీబీ నోటీసులు జారీ చేసిన విషయాన్ని కేటీఆర్‌ సోషల్‌ మీడియా వేదికగా వెల్లడించారు. ఫార్ములా ఈ కేసులో ఏసీబీ తనకు నోటీసులు ఇచ్చిందని తెలిపారు. కేసు పూర్తిగా రాజకీయ కక్ష సాధింపుల్లో భాగమైనప్పటికీ.. చట్టాన్ని గౌరవించే పౌరుడిగా తాను కచ్చితంగా ఏసీబీకి సహకరిస్తానన్నారు. యూకే, అమెరికా పర్యటన ముందుగానే కోసం ప్రణాళిక రూపొందించుకున్నట్లు తెలిపారు. తిరిగి వచ్చాక విచారణకు హాజరవుతానని తెలిపారు.

ఈ విషయాన్ని ఏసీబీ అధికారులకు లిఖితపూర్వకంగా తెలియజేశానన్నారు. రాజకీయ ప్రతీకారం దాహాం తీర్చుకునేందుకు రేవంత్‌రెడ్డి తహతహలాడుతూ ముందుకెళ్తున్న తీరును అభినందిస్తున్నానంటూ ఎద్దేవా చేశారు. 48గంటల కిందట నేషనల్‌ హెరాల్డ్‌ కేసులో ఈడీ దాఖలు చేసిన చార్జిషీట్‌లో సీఎం రేవంత్‌రెడ్డి పేరు కనిపించిందని.. 24గంటల క్రితమే ప్రధాని సహా బీజేపీ అగ్రనేతలను రేవంత్‌ కలిశాడని ఆరోపించారు. ఇవాళ తనకు ఏసీబీ నుంచి నోటీసులు వచ్చాయన్నారు. మనీలాండరింగ్‌లో రేవంత్‌ ప్రమేయంపై బీజేపీ నుంచి ఒక్క మాట కూడా మాట్లాడడం లేదన్నారు. రేవంత్‌రెడ్డి నాయకుడిగా, పాలకుడిగా విఫలం అయ్యారంటూ ‘ఎక్స్‌’ వేదికగా మండిపడ్డారు.

The ACB has given me a notice to appear for an enquiry on the 28th of May in the Formula E case

As a law abiding citizen, will definitely cooperate with the agencies even though the case is nothing but pure political harassment

As I have planned to leave for the UK & USA for…

— KTR (@KTRBRS) May 26, 2025