అమెరికా వ్యాప్తంగా విరుచుకుపడిన మంచు తుఫాను కారణంగా 8 వేలకు పైగా విమాన సర్వీసులు రద్దయ్యాయి. టెక్సాస్ నుంచి ఉత్తర కరోలినా దాకా భారీ హిమపాతం కురిసే అవకాశం ఉన్నట్లు వాతావరణ శాఖ హెచ్చరించింది.
అమెరికాలోని అనేక ప్రాంతాల్లో శనివారం పెను తుఫాన్ బీభత్సం సృష్టించింది. దాదాపు 16 మంది మరణించారు. ఇళ్లు, దుకాణాలు, రోడ్లు దెబ్బతిన్నాయి. మిస్సోరీలో 10 మంది మరణించగా, అనేక మంది గాయపడ్డారు.
