Poco M6 Pro 5G | పొకో నుంచి బ‌డ్జెట్ స్మార్ట్ ఫోన్ పొకో ఎం6 ప్రో.. ఇవీ డిటైల్స్‌..!

Poco M6 Pro 5G | ప్రముఖ స్మార్ట్ ఫోన్ల తయారీ సంస్థ పొకో.. దేశీయ మార్కెట్లోకి బడ్జెట్ ధరలో పొకో ఎం6 ప్రో 5జీ ఫోన్ తీసుకొచ్చింది. 5జీ సెగ్మెంట్ ఫోన్లలో సమూల మార్పులు తీసుకొస్తుందని పేర్కొంది.

Poco M6 Pro 5G | ప్రముఖ చైనా స్మార్ట్ ఫోన్ల తయారీసంస్థ పొకో.. భారత్ మార్కెట్లోకి శనివారం తన ‘పొకో ఎం6 5జీ’ ఫోన్ తెచ్చింది. డ్యుయల్ రేర్ కెమెరా సెటప్, క్వాల్ కామ్ స్నాప్ డ్రాగన్ 4 జెన్ 2 ఎస్వోసీ చిప్‌సెట్ విత్ 18 వాట్ల చార్జింగ్ సపోర్ట్‌తో వస్తున్నది. ఈ నెల తొమ్మిదో తేదీ మధ్యాహ్నం 12 గంటల నుంచి సేల్స్ ప్రారంభం అవుతాయి. ఆండ్రాయిడ్ 13 బేస్డ్ ఎంఐయూఐ14 ఔటాఫ్ బాక్స్ వర్షన్‌పై ఈ ఫోన్ పని చేస్తుంది. 6.79- అంగుళాల డిస్ ప్లేతో వస్తున్నది. పొకో నుంచి వస్తున్న స్మార్ట్ ఫోన్లలో అతిపెద్ద డిస్ ప్లే గల ఫోన్ ఇదే.

పొకో ఎం6 ప్రో ఫోన్ రెండు స్టోరేజీ వేరియంట్లలో లభిస్తుంది. బేస్ వేరియంట్ 4జీబీ రామ్ విత్ 64 జీబీ ఇంటర్నల్ స్టోరేజీ వేరియంట్ రూ.10,999, 6జీబీ రామ్ విత్ 128 జీబీ ఇంటర్నల్ స్టోరేజీ వేరియంట్ రూ.12,999లకు లభిస్తాయి. భారత్ మార్కెట్లో కేవలం ఫ్లిప్‌కార్ట్ సేల్స్ జరుగుతాయి. గ్లాస్ రేర్‌తో పవర్ బ్లాక్, ఫారెస్ట్ గ్రీన్ కలర్ ఆప్షన్లలో ఈ ఫోన్ లభిస్తుంది.

షియోమీ సబ్ బ్రాండ్ పొకో ఎం6 ప్రో 5జీ ఫోన్ 6.79 అంగుళాల ఫుల్ హెచ్డీ + డిస్ ప్లే విత్ 90 హెర్ట్జ్ రీఫ్రెష్ రేట్, 240 హెర్ట్జ్ టచ్ శాంప్లింగ్ రేట్ కలిగి ఉంటుంది. గొరిల్లా గ్లాస్ 3 లేయర్ ప్రొటెక్షన్ గల పొకో ఎం6ప్రో 5జీ ఫోన్ క్వాల్ కామ్ స్నాప్ డ్రాగన్ 4 జెన్ 2 ఎస్వోసీ చిప్ సెట్ కలిగి ఉంటది. మూడేండ్ల పాటు సెక్యూరిటీ అప్ డేట్స్ ఇస్తుంది.

50-మెగా పిక్సెల్ ఆర్టిఫిషియల్ ఇంటెలిజెన్స్ (ఏఐ) సెన్సర్ కెమెరా, 2-మెగా పిక్సెల్ డెప్త్ సెన్సర్ కెమెరా ఉంటాయి. సెల్ఫీలూ వీడియో కాల్స్ కోసం 8-మెగా పిక్సెల్ సెన్సర్ ఫ్రంట్ కెమెరా ఉంటుంది. బయో మెట్రిక్ అథంటికేషన్ కోసం ఫింగర్ ప్రింట్ సెన్సర్ ఉంటుంది.