అరచేతిలో.. తెలంగాణ

పోటీ పరీక్షలకు వేళయింది. ఉద్యోగ ప్రకటన రావడంతో సరిపోదు. కోరుకున్న ఉద్యోగానికి దరఖాస్తు చేయడంతోనే పనికాదు. పరీక్షలకు దీక్షగా సన్నద్ధం కావాలి.

పోటీ పరీక్షలకు వేళయింది. ఉద్యోగ ప్రకటన రావడంతో సరిపోదు. కోరుకున్న ఉద్యోగానికి దరఖాస్తు చేయడంతోనే పనికాదు. పరీక్షలకు దీక్షగా సన్నద్ధం కావాలి. అందుకు అందుబాటులో ఉన్న అన్ని శస్ర్తాలనూ అమ్ములపొదిలో పొదుగుకోవాలి. అలాంటి శస్ర్తాల్లో ఒకటి ‘తెలంగాణ తొలి ముఖ్యమంత్రిగా కె.సి.ఆర్‌. వేసిన దారులు’ పుస్తకం. తెలంగాణ చరిత్రను చిత్రికపట్టి రచయిత్రి నన్నపురాజు విజయశ్రీ దీనిని అందించారు. తెలంగాణ చారిత్రక పరిణామ క్రమం మొదలుకొని శతాబ్దాలుగా ఈ ప్రాంతంలో జరిగిన అంశాలన్నిటినీ ఇందులో పొందు పరిచారు.

తెలంగాణ గత పాలకులు, సాయుధ పోరాటం, తెలంగాణ ఉద్యమ చరిత్ర, రాజకీయ పునరేకీకరణ, టీఆర్‌ఎస్‌ ఆవిర్భావం, మలిదశ ఉద్యమంలో కీలక ఘట్టాలు, రాష్ట్ర ఆవిర్భావం తదితర అంశాలన్నిటినీ సవివరంగా విశ్లేషించారు రచయిత్రి. రాష్ట్రం ఏర్పాటు తర్వాత ప్రగతి పథంలో పయనిస్తున్న తెలంగాణ ముఖచిత్రాన్ని ఆవిష్కరించారు. ప్రభుత్వ పథకాలు, వాటి ఫలాల గురించి సవివరంగా అందించారు. పోటీ పరీక్షలకు సన్నద్ధం అవుతున్న అభ్యర్థులు ఈ పుస్తకాన్ని చదవడం వల్ల తెలంగాణ చరిత్రను సంపూర్ణంగా అవగాహన చేసుకునే అవకాశం ఉంది.

తెలంగాణ తొలి ముఖ్యమంత్రిగా కె.సి.ఆర్‌. వేసిన దారులు
రచన: డా॥ నన్నపురాజు విజయశ్రీ
పేజీలు: 784, వెల: రూ. 600
ప్రతులకు: ఫోన్‌: 91004 39884,ప్రధాన పుస్తక కేంద్రాలు.