Food Challenge | ఒక్క పానీ పూరి తింటే 500 గెలుచుకునే ఛాన్స్‌!

Panipuri Challenge | గప్‌చుప్‌, పానీపూరీ, గోల్‌గప్పా.. పేరేదైనా నోరూరించే చిరుతిండి ఇది. ఘాటైన కూర, పుల్లపుల్లటి నీళ్లతో నింపిన చిట్టిపూరీలను వరుసపెట్టి లాగించేస్తారు చాలామంది. అయితే ‘బస్తీమే సవాల్‌. ఒక్క గప్‌చుప్‌ తింటే రూ.500 ఇస్తాను’ అంటూ సవాలు విసరుతున్నాడు

ఉత్తరప్రదేశ్‌లోని శిఖోహాబాద్‌కి చెందిన ఓ గప్‌చుప్‌వాలా. ఇంతకీ సవాలు ఏమిటంటే.. మామూలు గప్‌చుప్‌తో పోలిస్తే రెండింతలు ఉండే భారీ పూరీ నిండా కూర, మసాలా దట్టించి.. పుల్లటి పానీ నింపి అందిస్తాడు. ఆ పూరీని ఒక్కబుక్కలో తినేయాలి. ఒక్క చుక్క పానీ కూడా కిందపడకూడదు. అలా తినేస్తే మాత్రం, వెంటనే రూ.500 ఇచ్చేస్తాడు. తినలేకపోతేనేమో గప్‌చుప్‌ ఖరీదు రూ.100 కట్టాల్సిందే. చాలామందే ఈ చాలెంజ్‌లో పాల్గొన్నారు. కానీ ఇప్పటివరకూ ఆరుగురే విజేతలుగా నిలిచి ‘పానీపూరి రత్న’ అందుకున్నారు. మీరూ ట్రై చేస్తారా?

Read More :

“సికింద్రాబాద్‌లో ఆటోమేటిక్ మెషిన్‌తో పానీపూరి స‌ర్వ్..”