చాక్లెట్‌ హిల్స్‌

భౌగోళిక వింతల్లో ఇదొకటి! మన దగ్గర చిన్న చిన్న గుట్టలు అక్కడక్కడా కనిపిస్తాయి. పిలిప్పీన్స్‌లోని బోహూల్‌ ప్రాంతంలో చిన్న చిన్న గుట్టల వరుస కనుచూపుమేర ఉంటుంది. శంఖు ఆకారంలో ఉన్న ఈ గుట్టలు ముప్పై నుంచి యాభై మీటర్ల ఎత్తులో ఉంటాయి.

భౌగోళిక వింతల్లో ఇదొకటి! మన దగ్గర చిన్న చిన్న గుట్టలు అక్కడక్కడా కనిపిస్తాయి. పిలిప్పీన్స్‌లోని బోహూల్‌ ప్రాంతంలో చిన్న చిన్న గుట్టల వరుస కనుచూపుమేర ఉంటుంది. శంఖు ఆకారంలో ఉన్న ఈ గుట్టలు ముప్పై నుంచి యాభై మీటర్ల ఎత్తులో ఉంటాయి. మిలియన్‌ సంవత్సరాల క్రితం కడలి కెరటాల ఒత్తిడికి గురై పగడపు దిబ్బలు ఒడ్డుకు వచ్చాయట. వాటి నుంచి ఏర్పడిన సున్నపు రాయితో ఈ గుట్టలు అవతరించాయట! అడవి మధ్యలో ఉండే ఈ గుట్టలపై పచ్చని పచ్చిక కనువిందు చేస్తుంటుంది. ఎండాకాలంలో ఆ పచ్చికంతా మాయమైపోతుంది. మట్టి రంగులోకి మారిన గుట్టలు చాక్లెట్‌ గోళీల్లా కనిపిస్తాయి. అందుకే ఈ పర్వతాలను ‘చాక్లెట్‌ హిల్స్‌’ అని పిలుస్తారు!