మహిళల ప్రపంచకప్లో ఉత్కంఠ భరిత మ్యాచ్లో ఆస్ట్రేలియా అమ్మాయిలు విజయఢంకా మోగించారు. ఇంగ్లండ్ జట్టుతో జరిగిన మ్యాచ్లో తొలుత బ్యాటింగ్ చేసిన ఆస్ట్రేలియన్లు 310/3 స్కోరు చేశారు. ఆసీస్ ఓపెనర్ రచేల్ హనేస్ 130 పరుగులతో విజృంభించగా.. మరో ఓపెనర్ అలిస్సా హేలీ (28) ఫర్వాలేదనిపించింది.
కెప్టెన్ మెగ్ లానింగ్ (86) కూడా మంచి ఇన్నింగ్స్ ఆడింది. చివర్లో బెత్ మూనీ (27), ఎలీస్ పెర్రీ (14) మెరుపులు మెరిపించారు. దీంతో మూడు వికెట్లు కోల్పోయిన జట్టు 310 పరుగులు చేసింది. భారీ లక్ష్య ఛేదనలో ఇంగ్లండ్కు ఆరంభంలోనే ఎదురుదెబ్బ తగిలింది. ఓపెనర్ లారెన్ విన్ఫీల్డ్ హిల్ (0) డకౌట్గా వెనుతిరిగింది. అయితే మరో ఓపెనర్ టామీ బ్యూమౌంట్ (74), కెప్టెన్ హెతర్ నైట్ (40) రాణించారు.
ఆ తర్వాత వచ్చిన నాట్ సివర్ (109 నాటౌట్) అజేయంగా నిలిచింది. కానీ ఆమెకు అవతలి ఎండ్ నుంచి సహకారం కరువైంది. అమీ జోన్స్ (4), డానీ వ్యాట్ (7), సోఫీ ఎకిల్స్టోన్ (1) నిరాశపరిచారు. సోఫియా డంక్లీ (28), కేథరీన్ బ్రంట్ (25) పరుగులు చేశారు. ఈ క్రమంలో నిర్ణీత 50 ఓవర్లు ముగిసే సరికి ఇంగ్లండ్ జట్టు 298/8 స్కోరు మాత్రమే చేయగలిగింది. దాంతో ఆసీస్ మహిళలు 12 పరుగులతో జయభేరి మోగించారు. అద్భుతమైన ఇన్నింగ్స్ ఆడిన రచెల్ హేనేస్కు ‘ప్లేయర్ ఆఫ్ ది మ్యాచ్’ అవార్డు దక్కింది.