అల్కారజ్‌, గాఫ్‌ ముందంజ

ఇటీవలే ముగిసిన ఫ్రెంచ్‌ ఓపెన్‌లో సత్తాచాటి టైటిల్‌ నెగ్గిన నయా స్పెయిన్‌ బుల్‌ కార్లొస్‌ అల్కారజ్‌ గ్రాస్‌కోర్టులోనూ జోరు కొనసాగిస్తున్నాడు.

• డబుల్స్‌లోనూ నాగల్‌కు నిరాశ

లండన్‌: ఇటీవలే ముగిసిన ఫ్రెంచ్‌ ఓపెన్‌లో సత్తాచాటి టైటిల్‌ నెగ్గిన నయా స్పెయిన్‌ బుల్‌ కార్లొస్‌ అల్కారజ్‌ గ్రాస్‌కోర్టులోనూ జోరు కొనసాగిస్తున్నాడు. వింబుల్డన్‌లో డిఫెండింగ్‌ చాంపియన్‌గా బరిలోకి దిగిన అల్కారజ్‌ బుధవారం జరిగిన పురుషుల సింగిల్స్‌ రెండో రౌండ్‌లో 7-6 (7/5), 6-2, 6-2తో అలెగ్జాండర్‌ వుకిక్‌ (ఆస్ట్రేలియా)ను వరుస సెట్లలో ఓడించి మూడో రౌండ్‌కు దూసుకెళ్లాడు. తొలి రౌండ్లో కాస్త ప్రతిఘటించిన వుకిక్‌ ఆ తర్వాత స్పెయిన్‌ కుర్రాడి జోరు ముందు నిలబడలేకపోయాడు. డేనిల్‌ మెద్వెదెవ్‌ 6-7 (3/7), 7-6(7/4), 6-4, 7-5తో ముల్లర్‌ (ఫ్రాన్స్‌)ను చిత్తుచేసి రెండో రౌండ్‌కు చేరాడు.

మహిళల సింగిల్స్‌ రెండో రౌండ్‌లో కోకో గాఫ్‌ 6-2, 6-1తో టొడొనిను ఓడించింది. పురుషుల సింగిల్స్‌లో తొలి రౌండ్‌లోనే వెనుదిరిగిన భారత ఆటగాడు సుమిత్‌ నాగల్‌.. డబుల్స్‌లోనూ నిరాశపరిచాడు. డబుల్స్‌ తొలి రౌండ్‌లో నాగల్‌-లజోవిచ్‌ ద్వయం 2-6, 2-4తో మార్టిన్‌-మునర్‌ జోడీ చేతిలో పరాభవం పాలైంది. పురుషుల డబుల్స్‌ తొలి రౌండ్‌లో రోహన్‌ బోపన్న, మాథ్యూ ఎబ్డెన్‌ జోడీ 7-5, 6-4తో హాస్‌, అరెండ్స్‌ ద్వయంపై గెలిచి ముందంజ వేసింది.