IPL 2021: స‌హ‌నం కోల్పోయిన కోహ్లి.. మంద‌లించిన మ్యాచ్ రిఫ‌రీ

April 15, 2021 / 09:44 AM IST

చెన్నై: ఐపీఎల్ టీమ్ రాయ‌ల్ చాలెంజ‌ర్స్ బెంగ‌ళూరు టీమ్ కెప్టెన్ విరాట్ కోహ్లిని మ్యాచ్ రిఫ‌రీ మంద‌లించారు. ఐపీఎల్ కోడ్ ఆఫ్ కండ‌క్ట్‌ను అత‌ను ఉల్లంఘించాడ‌న్న కార‌ణంగా రిఫ‌రీ ఈ చ‌ర్య తీసుకున్నాడు. బుధ‌వారం స‌న్‌రైజ‌ర్స్ హైద‌రాబాద్‌తో మ్యాచ్ సంద‌ర్భంగా కోహ్లి స‌హ‌నం కోల్పోయాడు. 29 బంతుల్లో 33 ప‌రుగులు చేసి అవుటైన కోహ్లి.. ఆర్సీబీ డ‌గౌట్ వైపు వెళ్తూ బౌండ‌రీ ద‌గ్గ‌ర అడ్వ‌ర్‌టైజింగ్ బోర్డు, ఆ త‌ర్వాత ఓ కుర్చీని బ్యాట్‌తో కొడుతూ వెళ్లాడు.

ఇది ఐపీఎల్ కోడ్ ఆఫ్ కండ‌క్ట్ ప్ర‌కారం లెవ‌ల్ 1 నేరం. క్రికెట్ ప‌రికరాలు లేదా బ‌ట్ట‌లు, మైదానంలోని ప‌రిక‌రాలు, హోర్డింగ్‌ల ప‌ట్ల‌ మ్యాచ్ సంద‌ర్భంగా అనుచితంగా ప్ర‌వ‌ర్తించ‌డానికి నేరంగా ప‌రిగ‌ణిస్తారు. దీని ప్ర‌కారం కోహ్లిది లెవ‌ల్ 1 నేరంగా ప్ర‌క‌టించిన రిఫ‌రీ అత‌న్ని మంద‌లింపుతో వ‌దిలేసిన‌ట్లు ఐపీఎల్ ఒక ప్ర‌క‌ట‌న‌లో వెల్ల‌డించింది.