గోవాలో డిసెంబర్‌ 16న ఐపీఎల్‌ వేలం

ఇండియన్‌ ప్రీమియర్‌ లీగ్‌ (ఐపీఎల్‌) 2027 సీజన్‌కు సంబంధించిన మినీ వేలానికి ముహూర్తం ఖరారైంది.

న్యూఢిల్లీ: డిసెంబర్‌ 16న గోవా వేదికగా ఐపీఎల్‌ వేలం నిర్వహించనున్నట్లు బీసీసీఐ అన్ని ఫ్రాంచైజీలకు అధికారికంగా సమాచారం అందించింది. వేలానికి ఒక రోజు ముందుగా డిసెంబర్‌ 15న ఫ్రాంచైజీల యజమానులు, ప్రతినిధులతో ప్రత్యేక బ్రీఫింగ్‌ సమావేశం జరగనుంది.

నవంబర్‌ 15 నాటికి అన్ని జట్లు ఆటగాళ్ల రిటెన్షన్‌ జాబితాను సమర్పించాల్సి ఉంటుంది. కాగా, గత మూడు సీజన్లుగా విదేశాల్లో జరిగిన వేలం ప్రక్రియ మూడేండ్ల విరామం తర్వాత మళ్లీ భారత గడ్డపైకి తిరిగి రానుంది. 2024 వేలం దుబాయ్‌లో జరగ్గా.. 2025 మెగా ఆక్షన్‌కు జెడ్డా వేదికైంది. గత సీజన్‌ వేలాన్ని అబుదాబిలో నిర్వహించారు.