హెచ్‌సీఏ లీగ్‌పై సీఐడీకి టీసీఏ ఫిర్యాదు

బీసీసీఐ అనుమతి లేకుండానే టీజీ20 లీగ్‌ నిర్వహిస్తూ, రూ.46 కోట్లకుపైగా అనధికారిక నిధుల వసూళ్లకు పాల్పడిందని ఆరోపిస్తూ హెచ్‌సీఏపై తెలంగాణ క్రికెట్‌ అసోసియేషన్‌ (టీసీఏ) కార్యదర్శి దారం గురువా రెడ్డి శనివారం సీఐడీ డీజీ చారు సిన్హాకు ఫిర్యాదు చేశారు.

హైదరాబాద్‌, జూన్‌ 20 (నమస్తే తెలంగాణ): బీసీసీఐ అనుమతి లేకుండానే టీజీ20 లీగ్‌ నిర్వహిస్తూ, రూ.46 కోట్లకుపైగా అనధికారిక నిధుల వసూళ్లకు పాల్పడిందని ఆరోపిస్తూ హెచ్‌సీఏపై తెలంగాణ క్రికెట్‌ అసోసియేషన్‌ (టీసీఏ) కార్యదర్శి దారం గురువా రెడ్డి శనివారం సీఐడీ డీజీ చారు సిన్హాకు ఫిర్యాదు చేశారు. ఈ లీగ్‌కు సంబంధించిన బ్యాంక్‌ ఖాతాలను వెంటనే ఫ్రీజ్‌ చేయాలని, తక్షణమే ఎఫ్‌ఐఆర్‌ నమోదు చేసి, ఫోరెన్సిక్‌ విచారణ జరపాలని ఫిర్యాదులో కోరారు.

ఈ లీగ్‌కు బీసీసీఐ అధికారికంగా ఆమోదం తెలిపినట్లు నిందితులు మీడియా, కార్పొరేట్‌ వర్గాలకు తప్పుడు సమాచారం ఇచ్చారని టీసీఏ వాదిస్తోంది. అలాగే లీగ్‌ పేరిట ఎలాంటి ఆడిటింగ్‌ లేని, అనధికారిక కరెంట్‌ అకౌంట్‌ను తెరిచి కార్పొరేట్‌ నిధులను వసూలు చేశారని ఆరోపించింది.