పొట్టి ప్రపంచకప్లో బంతితో, బ్యాటుతో అద్భుతప్రదర్శన చేసిన పాక్ లెగ్స్పిన్నర్ షాదాబ్ ఖాన్ అరుదైన ఘనత సాధించాడు. ఈ లెగ్ స్పిన్నర్ పొట్టి క్రికెట్ ఫార్మాట్లో అత్యధికంగా 98 వికెట్లు పడగొట్టిన పాకిస్థాన్ బౌలర్గా రికార్డు సృష్టించాడు. ఇంగ్లండ్తో జరిగిన ఫైనల్లో హ్యారీ బ్రూక్ వికెట్ పడగొట్టడంతో ఈ ఘనత సాధించాడు.
ఇప్పటివరకూ పాకిస్థాన్ తరఫున అత్యధిక వికెట్లు తీసిన రికార్డు మాజీ ఆల్రౌండర్ షాహిద్ ఆఫ్రీది పేరిట ఉంది. ఆఫ్రీది 98 మ్యాచ్లు ఆడి 97 వికెట్లు తీశాడు. వరల్డ్ కప్లో జింబాబ్వేపై రెండు వికెట్లు తీసిన షాదాబ్ 97 వికెట్లతో షాహిద్ ఆఫ్రీది రికార్డుని సమం చేశాడు. ఈ లెగ్స్పిన్నర్ 82 మ్యాచుల్లోనే 97 వికెట్లు పడగొట్టాడు.ఫైనల్లో బ్రూక్ వికెట్ పడకొట్టి ఆఫ్రీది రికార్డుని బ్రేక్ చేశాడు. తలా 85 వికెట్లతో ఉమర్ గుల్, సయీద్ అజ్మల్ ఆ తర్వాతి స్థానాల్లో ఉన్నారు.