KKR vs RR ఐపీఎల్ పదిహేడో సీజన్లో సెంచరీల పర్వం నడుస్తోంది. చిన్నస్వామి స్టేడియంలో సన్రైజర్స్ చిచ్చరపిడుగు ట్రావిస్ హెడ్ శతక విధ్వంసాన్ని మరువకముందే.. ఈడెన్ గార్డెన్స్లో కోల్కతా నైట్ రైడర్స్ ఓపెనర్(Kolkat Knight Riders) సునీల్ నరైన్(109) వంద కొట్టేశాడు.
కోల్కతా తరఫున ఐపీఎల్లో శతకం సాధించిన మూడో ఆటగాడిగా ఈ ఆల్రౌండర్ రికార్డు నెలకొల్పాడు. నరైన్ వీరబాదుడుకు రింకూ సింగ్(20) మెరుపులు తోడవ్వడంతో కోల్కతా మళ్లీ రెండొందలు కొట్టింది. నిర్ణీత ఓవర్లలో 6 వికెట్ల నష్టానికి 223 రన్స్ చేసింది.
We won’t let the 🎇 stop, it’s time for our bowlers now! 💪 pic.twitter.com/s5olhkpKmS
— KolkataKnightRiders (@KKRiders) April 16, 2024
టాస్ ఓడిన కోల్కతాకు ఆదిలోనే షాక్. గత మ్యాచ్ హీరో ఫిలిప్ సాల్ట్(10)ను అవేశ్ ఖాన్ వెనక్కి పంపాడు. దాంతో, 21 పరుగుల వద్ద కోల్కతా మొదటి వికెట్ పడింది. యువకెరటం అంగ్క్రిష్ రఘువంశీ(30) ఉన్నంత సేపు ధనాధన్ ఆడాడు. అయితే.. కుల్దీప్ సేన్ ఓవర్లో అశ్విన్ చేతికి చిక్కాడు.
On Display: 𝗘𝗳𝗳𝗼𝗿𝘁𝗹𝗲𝘀𝘀 𝗛𝗶𝘁𝘁𝗶𝗻𝗴 😍
Sunil Narine smacking it with perfection👌👌
Watch the match LIVE on @JioCinema and @StarSportsIndia 💻📱#TATAIPL | #KKRvRR | @KKRiders pic.twitter.com/yXC3F5r1SY
— IndianPremierLeague (@IPL) April 16, 2024
ఆ తర్వాత వచ్చిన అయ్యర్(11) మళ్లీ మునపటిలానే వికెట్ పారేసుకున్నాడు. ఆ దశలో క్రీజులోకి వచ్చిన ఆండ్రూ రస్సెల్(13) అండతో నరైన్ మరింత రెచ్చిపోయాడు. చాహల్ బౌలింగ్లో రెండు సిక్స్లు, రెండు ఫోర్లతో 49 బంతుల్లోనే సెంచరీ పూర్తి చేసుకున్నాడు. శతకంతో జోరు మీదున్న నరైన్ను బౌల్ట్ సూపర్ యార్కర్తో బౌల్డ్ చేశాడు. ఆ తర్వాత రింగూ సింగ్(20), వెంకటేశ్ అయ్యర్(8)లు ధాటిగా ఆడి కోల్కతాకు భారీ స్కోర్ అందించారు. రాజస్థాన్ బౌలర్లలో అవేశ్ ఖాన్, కుల్దీప్ సేన్లు తలా రెండేసి వికెట్లు పడగొట్టారు.
ఐపీఎల్లో వంద కొట్టిన మూడో కోల్కతా ఆటగాడిగా నరైన్ రికార్డు సృష్టించాడు. అతడి కంటే ముందు బ్రెండన్ మెక్కల్లమ్, వెంకటేశ్ అయ్యర్లు కేకేఆర్ తరఫున సెంచరీలు బాదారు. ఐపీఎల్ ఆరంభ సీజన్లో మెక్కల్లమ్ రాయల్ చాలెంజర్స్ బెంగళూరుపై సెంచరీతో చెలరేగాడు. ఆ మ్యాచ్లో బ్రెండన్ 158 నాటౌట్గా నిలిచాడు. నిరుడు సీజన్లో వెంటకేశ్ అయ్యర్ ముంబై ఇండియన్స్పై శతకం(104) సాధించాడు.
April is a lucky month for us! 💯 pic.twitter.com/ypZucfpDbZ
— KolkataKnightRiders (@KKRiders) April 16, 2024