రాహుల్‌, అతియా పెళ్లి.. మీడియాకు స్వీట్లు పంచిన సునిల్ శెట్టి

Suniel Shetty: సునీల్ శెట్టి మాయ అయిపోయాడు. కూతురు పెళ్లి త‌ర్వాత ఆయ‌న మీడియాకు స్వీట్లు పంచాడు. క్రికెట‌ర్ రాహుల్‌ను అతియా శెట్టి పెళ్లి చేసుకున్న‌ది.

ఖండాలా: క్రికెట‌ర్ కేఎల్ రాహుల్‌, న‌టి అతియా శెట్టిల పెళ్లి సోమ‌వారం జ‌రిగిన విష‌యం తెలిసిందే. అయితే ఆ ఇద్ద‌రు సెల‌బ్రిటీల న్యూస్ క‌వ‌రేజికి కోసం వ‌చ్చిన మీడియాకు .. హీరో సునీల్ శెట్టి స‌ర్‌ప్రైజ్ గిఫ్ట్ ఇచ్చారు. పెళ్లి ముగిసిన త‌ర్వాత బ‌య‌ట‌కు వ‌చ్చిన సునీల్‌.. కొత్త జంట కోసం ఎదురుచూస్తున్న మీడియాకు స్వీట్లు పంచిపెట్టారు. సునీల్‌తో పాటు ఆయ‌న కుమారుడు అహ‌న్ కూడా మీడియాకు స్వీట్లు పంచారు. ఇప్పుడు అధికారికంగా మామ‌ను అయ్యాన‌ని సునీల్ తెలిపాడు.

అంతా స‌వ్యంగా సాగింద‌ని, పెళ్లి జ‌రిగింద‌ని, మామ‌ను అయ్యాన‌ని సునీల్ మీడియాతో చెప్పాడు. సునీల్ శెట్టి ఫ్యామిలీ, మిత్రులు మాత్ర‌మే ఈ ఈవెంట్‌కు హాజ‌ర‌య్యారు. సంప్ర‌దాయ దుస్తుల్లో సునీల్ క‌నిపించాడు. అయితే రిసెప్ష‌న్ మాత్రం ఐపీఎల్ సీజ‌న్ ముగిసిన త‌ర్వాత ఏర్పాటు చేస్తామ‌ని సునీల్ శెట్టి తెలిపారు.