Visit:
హైదరాబాద్‌, ఆట ప్రతినిధి : శ్రీనిధి దక్కన్‌ ఫుట్‌బాల్‌ క్లబ్‌(ఎస్‌డీఎఫ్‌సీ) తమ ప్లేయర్ల ఫిట్‌నెస్‌ విషయంలో మరో ముందడుగు వేసింది. క్లబ్‌ గెలుపు, ఓటముల్లో కీలకంగా వ్యవహరించే ప్లేయర్ల ఫిట్‌నెస్‌, ఆరోగ్యంపై శ్రద్ధ వహిస్తూ జాగ్రత్త వహించేందుకు సిద్ధమైంది. ఇందులో భాగంగా మంగళవారం సెంటర్‌ ఫర్‌ స్పైన్‌ అండ్‌ స్పోర్ట్స్‌ హెల్త్‌(సీఎస్‌ఎస్‌హెచ్‌)తో శ్రీనిధి ఎఫ్‌సీ ఎంవోయూ కుదుర్చుకుంది.
ఇక నుంచి తమ క్లబ్‌ అధికారిక స్పోర్ట్స్‌ సైన్స్‌ భాగస్వామిగా సీఎస్‌ఎస్‌హెచ్‌ కొనసాగనుంది. ఈ మేరకు సీఎస్‌ఎస్‌హెచ్‌ కోఫౌండర్‌, బ్యాడ్మింటన్‌ ఐకాన్‌ పుల్లెల గోపీచంద్‌తో కలిసి ఎస్‌డీఎఫ్‌సీ చీఫ్‌ ఫుట్‌బాల్‌ ఆఫీసర్‌ ఫాబియో పెరీరా ఒక అంగీకారం కుదుర్చుకున్నారు.
