Visit:
Animesh Kujur : భారత ట్రాక్ అండ్ ఫీల్డ్లో ఆశాకిరణంగా అవతరించిన అనిమేశ్ కుజుర్ (Animesh Kujur) మరోసారి వార్తల్లో నిలిచాడు. ఇండియన్ ఉసేన్ బోల్ట్గా పేరొందిన ఈ కుర్రాడు విదేశీ గడ్డపై 10.14 సెకన్లలోనే 100 మీటర్ల పరుగును పూర్తి చేశాడు. జర్మనీ వేదికగా జరిగిన పుమా ఫాస్ట్ ఆర్మ్స్ లెగ్స్ 2026 మీట్(PUMA Fast Arms Legs 2026 Meet)లో సత్తా చాటిన అనిమేశ్ భారత్ అవతల ఇంత వేగంతో వంద మీటర్లు పరుగెత్తిన తొలి అథ్లెట్గా రికార్డు నెలకొల్పాడు.
ట్రాక్ మీద బుల్లెట్ వేగంతో దౌడు తీస్తూ జాతీయ స్థాయిలో రికార్డులు బద్ధలు కొడుతున్న అనిమేశ్ కుజుర్ మళ్లీ మెరిశాడు. టోక్యోలో జరుగబోయే వరల్డ్ అథ్లెటిక్స్ ఛాంపియన్షిక్స్ మీద గురి పెట్టిన అతడు పుమా పాస్ట్ ఆర్మ్స్ లెగ్స్ 2006 మీట్లో చిరుతలా పరుగుతీశాడు. 10.14 సెకన్లలోనే 100 మీటర్ల పరుగును పూర్తి చేసి ఔరా అనిపించాడు. తొలుత 10.19 సెకన్లకు పరిమితమైన అనిమేశ్ ఫైనల్లో తన వేగాన్ని మరింత మెరుగుపరుచుకున్నాడు. అయితే.. అత్యంత వేగంగా 100 మీటర్ల పరుగుతో రికార్డు సాధించిన గురిందెర్వీర్ సింగ్(10.09 సెకన్లు)ను మాత్రం అందుకోలేకపోయాడీ రన్నర్.
🚨 Animesh clocks the Fastest 100m Ever by an Indian Outside the Country!
India’s 200m national record holder Animesh Kujur finished second in the 100m final at PUMA Fast Arms Fast Legs 2026, clocking a lifetime best of 10.14s.
After running 10.19s in the heats, Animesh… https://t.co/cswwY1VykK pic.twitter.com/4nc8UKH5va
— nnis Sports (@nnis_sports) July 10, 2026
1. గురిందెర్వీర్ సింగ్ – 10.09 సెకన్లు
2. అనిమేశ్ కుజుర్ – 10.14 సెకన్లు
3. అనిమేశ్ కుజుర్ – 10.15 సెకన్లు
4. గురిందెర్వీర్ సింగ్ – 10.17 సెకన్లు
5. అనిమేశ్ కుజుర్ – 10.18 సెకన్లు
అనిమేశ్ కుజుర్ది ఛత్తీస్గఢ్లోని మారుమూల గ్రామం. ఆరడుగుల రెండు అంగుళాల పొడవుండే ఇతడు టీనేజ్ నుంచే తన స్పీడ్తో అందర్నీ ఆశ్చర్యపరుస్తున్నాడు. ఈమధ్యే 100 మీటర్ల దూరాన్ని 10.18 సెకన్లలో చేరుకొని చరిత్ర సృష్టించాడు. తద్వారా గురిందెర్విర్ (10.20 సెకన్లు) పేరిట ఉన్న జాతీయ రికార్డును బద్ధలు కొట్టి ‘ది ఫాస్టెస్ట్ మ్యాన్ ఆఫ్ ఇండియా’గా అవతరించాడు అనిమేశ్. 22 ఏళ్లకే దేశం గర్వించదగ్గ అథ్లెట్గా మారిన అతడు ఈమధ్యే మొనాకో డైమండ్ లీగ్లో పోటీపడ్డాడు.
OH! WOW, ANIMESH KUJUR 🔥🔥
Asian Championships medalist Animesh Kujur delivered a sensational performance at the PUMA Fast Arms Fast Legs 2026, finishing runner-up in the 100m final with a stunning personal best of 10.14s.
✅ Fastest 100m ever recorded by an Indian outside… pic.twitter.com/WQDT6imzrX
— myKhel.com (@mykhelcom) July 10, 2026
అండర్ -23 విభాగంలో 200 మీటర్ల పరుగులో ఆస్ట్రేలియా స్టార్ గౌట్ గౌట్తో ‘నువ్వానేనా’ అన్నట్టు పరుగు తీసి ఔరా అనిపించాడు అనిమేశ్. అయితే.. సెకన్లో పదో వంతుతో పోడియం మీద నిల్చొనే అవకాశం కోల్పోయాడు. అయినా సరే.. అతడేమీ నిరాశకు లోనవ్వడం లేదు. 100 మీటర్లు, 200 మీటర్ల పరుగులో అంతర్జాతీయ వేదికలపై భారతీయ జెండాను రెపరెపలాడించేందుకు మరింత గట్టిగా ప్రయత్నించేందుకు సిద్దమవుతున్నాడీ యంగ్ అథ్లెట్.
