RSA vs WI | వెస్టిండీస్‌తో మొద‌టి టెస్టు.. 87 ప‌రుగుల‌తో ద‌క్షిణాఫ్రికా విజయం 

వెస్డిండీస్‌తో సెంచూరియ‌న్‌లో జ‌రిగిన‌ మొద‌టి టెస్టులో ద‌క్షిణాఫ్రికా విజ‌యం సాధించింది. 87 పరుగుల తేడాతో గెలుపొందింది. ఆస్ట్రేలియా ప‌ర్య‌ట‌న‌లో ఎదురైన వ‌రుస ఓట‌ముల‌కు ముగింపు ప‌లికింది. రెండో ఇన్నింగ్స్‌లో ర‌బాడ 6 వికెట్ల‌తో చెల‌రేగ‌డంతో విండీస్ 159 ప‌రుగుల‌కే కుప్ప‌కూలింది.

RSA vs WI : వెస్టిండీస్‌తో సెంచూరియ‌న్‌లో జ‌రిగిన‌ మొద‌టి టెస్టులో ద‌క్షిణాఫ్రికా విజ‌యం సాధించింది. 87 పరుగుల తేడాతో గెలుపొందింది. ఆస్ట్రేలియా ప‌ర్య‌ట‌న‌లో ఎదురైన వ‌రుస ఓట‌ముల‌కు ముగింపు ప‌లికింది. కొత్త సార‌థి తెంబా బ‌వుమా కెప్టెన్సీ ప‌రీక్ష‌లో పాస్ అయ్యాడు. రెండో ఇన్నింగ్స్‌లో ర‌బాడ 6 వికెట్ల‌తో చెల‌రేగ‌డంతో విండీస్ కుప్ప‌కూలింది. ఏ ద‌శ‌లోనూ పోటీ ఇవ్వ‌లేక‌పోయిన ఆ జ‌ట్టు 159 ప‌రుగుల‌కే ఆలౌట్ అయింది.

ఈ విజ‌యంతో రెండు టెస్టుల సిరీస్‌లో స‌ఫారీ జ‌ట్టు 1-0 ఆధిక్యంలోకి వెళ్లింది. మొద‌టి ఇన్నింగ్స్‌లో శ‌త‌కం, రెండో ఇన్నింగ్స్‌లో 47 బాదిన మ‌ర్‌క్ర‌మ్ ప్లేయ‌ర్ ఆఫ్ ది మ్యాచ్ అవార్డుకు ఎంపిక‌య్యాడు. రెండో టెస్టు జొహ‌న్నెస్‌బ‌ర్గ్‌లో మార్చి 8న‌ జ‌ర‌గ‌నుంది.

మ‌ర్‌క్ర‌మ్ సెంచరీతో..

టాస్ గెలిచి బ్యాటింగ్ ఎంచుకున్న‌ ద‌క్షిణాఫ్రికా మొద‌టి ఇన్నింగ్స్‌లో 342కు ఆలౌట్ అయింది. మ‌ర్‌క్ర‌మ్ సెంచ‌రీ(115)తో మెరిశాడు. మాజీ కెప్టెన్ ఎల్గ‌ర్ ఫిఫ్టీ (71)తో రాణించాడు. కెప్టెన్ బవుమా డ‌కౌట్‌గా వెనుదిరిగాడు. విండీస్ బౌల‌ర్ల‌లో అల్జారీ జోసెఫ్ ఐదు వికెట్లు ప‌డ‌గొట్టాడు. రోచ్, మేయ‌ర్స్, గాబ్రియెల్, హోల్డర్ త‌లా ఒక వికెట్ తీశారు. ఆ త‌ర్వాత బ్యాటింగ్ చేసిన వెస్టిండీస్ మొద‌టి ఇన్నింగ్స్‌లో 212 ప‌రుగుల‌కు ఆలౌట్ అయింది. రీఫ‌ర్ ఒక్క‌డే హాఫ్ సెంచరీతో జ‌ట్టును ఆదుకునే ప్ర‌య‌త్నం చేశాడు. చంద‌ర్‌పాల్ (22), బ్రాత్‌వైట్ (11), బ్లాక్‌వుడ్ (37) స్వ‌ల్ప స్కోర్‌కే వెనుదిరిగారు.

రెండో ఇన్నింగ్స్‌లో

ద‌క్షిణాఫ్రికా రెండో ఇన్నింగ్స్‌లో 116 ర‌న్స్‌కు ఆలౌట్ అయింది. సెంచ‌రీ వీరుడు మ‌ర్‌క్ర‌మ్ 47 ప‌రుగుల‌తో రాణించాడు. మిగ‌తా బ్యాట‌ర్లంతా విఫ‌లం అయ్యారు. మ‌ర్‌క్ర‌మ్‌ త‌ర్వాత టాప్ స్కోరర్లు.. ర‌బాడ (10), గెరాల్డ్ గోయెట్జ్ (20). విండీస్ పేస‌ర్ కీమ‌ర్ రోచ్ ఐదు వికెట్లతో స‌ఫారీల‌ను దెబ్బ కొట్టాడు. 247 ప‌రుగుల ల‌క్ష్యంతో బ‌రిలోకి దిగిన‌ వెస్టిండీస్ రెండో ఇన్నింగ్స్‌లో 159కే కుప్ప‌కూలింది. ర‌బాడ ఆరు వికెట్ల‌తో చెల‌రేగాడు.

ఇవి కూడా చ‌ద‌వండి

Kely Nascimento | పీలె చివరి క్షణాల్లో మెస్సీ గురించే.. నాన్న కల నిజమైందన్న కూతురు

Jasprit Bumrah | స‌ర్జరీ కోసం న్యూజిలాండ్‌కు బుమ్రా..! ఏర్పాట్లు చేస్తున్న బీసీసీఐ

Legends League Cricket | మ‌ళ్లీ బ్యాట్ ప‌ట్ట‌నున్న‌ గంభీర్, ఫించ్, ఆఫ్రీది.. లెజెండ్స్ లీగ్స్‌లో కెప్టెన్లుగా బ‌రిలోకి