Arjuna Award : ఆసియా క్రీడల్లో పసిడి పతకంతో మెరిసిన తెలంగాణ షూటర్ ఇషా సింగ్(Esha Singh), భారత సీనియర్ పేసర్ మహ్మద్ షమీ(Mohammad Shami) ప్రతిష్థాత్మక అర్జున అవార్డు(Arjuna Award) అందుకున్నారు. మంగళవారం రాష్ట్రపతి ద్రౌపది ముర్ము(Droupadi Murmu) చేతుల మీదుగా వీళ్లిద్దరూ ఈ అవార్డు స్వీకరించారు. భారత క్రీడా రంగంలో ఖేల్ రత్న(Khel Ratna) అవార్డు తర్వాత రెండో అత్యుత్తన్నత అవార్డు అందుకున్న షమీ తన కల నిజమైందని అన్నాడు.
‘నా కల నిజమైంది. జీవితంలో చాలామందికి ఈ అవార్డు గెలవడం సాధ్యం కాదు. ఈ అవార్డుకు నన్ను నామినేట్ చేసినందుకు చాలా సంతోషంగా ఉంది’ అని షమీ తెలిపాడు. 2023కు గానూ 26 మంది అర్జున అవార్డు స్వీకరించారు. వీళ్లలో ఆసియా గేమ్స్లో పతకాలు కొల్లగొట్టిన అథ్లెట్స్ ఎక్కువ మంది ఉండడం గమనార్హం.
ఆర్చరీ – అదితి గోపిచంద్ స్వామి, ఒజాస్ ప్రవీణ్ డియోటలే.
అథ్లెటిక్స్ – పరుల్ చౌదరీ, శ్రీశంకర్ మురళి.
బాక్సింగ్ – మహ్మద్ హుసాముద్దీన్.
చెస్ – ఆర్ వైశాలి.
క్రికెట్ – మహ్మద్ షమీ.
ఈక్వెస్ట్రియన్ – అనుష్ అగర్వాల.
ఈక్వెస్ట్రియన్ డ్రెస్సేజ్ – దివ్యక్రితి సింగ్.
గోల్ఫ్ – దిక్షా దగర్.
హాకీ – కృష్ణన్ బహూదర్ పాఠక్, పుఖ్రంబం సుహిలా చాను.
కబడ్డీ – పవన్ కుమార్, రీతు నేగీ.
ఖో ఖో – నస్రీన్.
లాన్ బౌల్స్ – పింకీ
షూటింగ్ – ఐశ్వర్య ప్రతాప్ సింగ్ తోమర్. ఈషా సింగ్
స్క్వాష్ – హరీందర్ పాల్ సింగ్ సాధు.
టేబుల్ టెన్నిస్ – ఆహికా పంగల్.
రెజ్లింగ్ – సునీల్ కుమార్, అంతిమ్ పంగల్.
వుషూ – నవోరెమ్ రోషిబిన దేవి.
పారా ఆర్చరీ – శీతల్ దేవి.
అంధుల క్రికెట్ – ఇల్లూరి అజయ్ కుమార్ రెడ్డి.
పారా కనోయింగ్ – ప్రచీ యాదవ్
సొంత గడ్డపై జరిగిన వన్డే వరల్డ్ కప్(ODI World Cup 2023)లో అద్భుతంగా రాణించినందుకు షమీ పేరును బీసీసీఐ సిఫారసు చేసింది. మోగా టోర్నీలోకి ఆలస్యంగా ఎంట్రీ ఇచ్చిన షమీ 7 మ్యాచుల్లో 24 వికెట్లు పడగొట్టాడు. తన సూపర్ బౌలింగ్తో టీమిండియాను ఫైనల్కు చేర్చాడు. అయితే.. టైటిల్ పోరులో షమీ రెండు వికెట్లతో విజృంభించినా ట్రావిస్ హెడ్(137) సూపర్ సెంచరీతో ఆస్ట్రేలియాను గెలిపించాడు.