రగ్బీ ప్రపంచకప్‌ విజేత దక్షిణాఫ్రికా

ప్రతిష్ఠాత్మక రగ్బీ ప్రపంచకప్‌లో దక్షిణాఫ్రికా విజేతగా నిలిచింది. డిఫెండింగ్‌ చాంపియన్‌ హోదాకు న్యాయం చేకూరుస్తూ రికార్డు స్థాయిలో నాలుగోసారి ప్రపంచకప్‌ను సగర్వంగా ముద్దాడింది.

• ఫైనల్లో న్యూజిలాండ్‌పై విజయం

పారిస్‌: ప్రతిష్ఠాత్మక రగ్బీ ప్రపంచకప్‌లో దక్షిణాఫ్రికా విజేతగా నిలిచింది. డిఫెండింగ్‌ చాంపియన్‌ హోదాకు న్యాయం చేకూరుస్తూ రికార్డు స్థాయిలో నాలుగోసారి ప్రపంచకప్‌ను సగర్వంగా ముద్దాడింది. ఆదివారం ఆఖరి వరకు హోరాహోరీగా సాగిన ఫైనల్లో దక్షిణాఫ్రికా 12-11తో న్యూజిలాండ్‌పై చరిత్రాత్మక విజయం సాధించింది. ఆల్‌బ్లాక్స్‌ కెప్టెన్‌ సామ్‌ కేన్‌..ఫైనల్లో రెడ్‌కార్డ్‌కు గురైన తొలి ప్లేయర్‌గా నిలిచాడు. ఫ్లై హాఫ్‌ హాండ్రె పొలార్డ్‌..దక్షిణాఫ్రికా తరఫున అద్భుత ప్రదర్శన కనబరిచాడు. కివీస్‌ టైటిల్‌ ఆశలపై నీళ్లు చల్లుతూ సఫారీలకు కీలక పాయింట్లు సాధించిపెట్టాడు. సఫారీ కెప్టెన్‌ సియా కొలిసీ..ప్రపంచకప్‌ను ముద్దాడుతూ సహచరులతో కలిసి సంబురాల్లో మునిగిపోయాడు.