Paris Olympics | పారిస్‌లో ఎలుకల బెడద.. అధికారులకు సవాల్‌ విసురుతున్న మూషికాలు

ఫ్రాన్స్‌ రాజధాని పారిస్‌లో ఎలుకల బెడద స్థానిక అధికారులకు సవాల్‌గా మారింది. వేల కోట్లు వెచ్చించి నిర్వహిస్తున్న ఒలింపిక్స్‌ను వీక్షించడానికి పారిస్‌కు వచ్చే సందర్శకులకు నగరంలో మూషికాలు కనిపించకుండా ఉంచేందుకు పారిస్‌ కట్టుదిట్టమైన చర్యలు తీసుకుంది.

Paris Olympics | పారిస్‌: ఫ్రాన్స్‌ రాజధాని పారిస్‌లో ఎలుకల బెడద స్థానిక అధికారులకు సవాల్‌గా మారింది. వేల కోట్లు వెచ్చించి నిర్వహిస్తున్న ఒలింపిక్స్‌ను వీక్షించడానికి పారిస్‌కు వచ్చే సందర్శకులకు నగరంలో మూషికాలు కనిపించకుండా ఉంచేందుకు పారిస్‌ కట్టుదిట్టమైన చర్యలు తీసుకుంది.

ఈ క్రీడల కోసం నగర సుందరీకరణ పనులు చేపట్టినప్పుడే ఎలుకలు అత్యధికంగా ఉన్న ప్రాంతాలలో ఉచ్చులు వేసి వాటి ఆట కట్టించినట్టు పారిస్‌ డిప్యూటీ మేయర్‌ అన్నె-క్లేరీ బౌక్స్‌ ఎఎఫ్‌పీకి ఇచ్చిన ఓ ఇంటర్వ్యూలో వెల్లడించారు. ‘ఎలుకలు ఎక్కువగా సంచరించే ప్రాంతాలను గుర్తించి అక్కడ ఉచ్చులు బిగించి చాలా ఎలుకల ఆట కట్టించాం’ అని తెలిపారు. యంత్రాల ద్వారా ఉపయోగించే సాధానాలతో పాటు కెమికల్స్‌ ద్వారా వాటిని నిర్మూలించినట్టు చెప్పారు.