Rahul Tripathi | టీ20ల్లో రాహుల్ త్రిపాఠి ఆరంగ్రేటం.. ఫొటోలు షేర్ చేసిన బీసీసీఐ

బ్యాటింగ్ కోచ్ విక్ర‌మ్ రాథోడ్ నుంచి డెబ్యూ క్యాప్ అందుకున్న రాహుల్

Rahul Tripathi : జాతీయ జ‌ట్టుకు ఆడాల‌న్న రాహుల్ త్రిపాఠి క‌ల నిజ‌మైంది. శ్రీ‌లంక‌తో జ‌రుగుతున్న రెండో టీ20లో అత‌ను ఆరంగ్రేటం చేశాడు. మ్యాచ్‌కు ముందు బ్యాటింగ్ కోచ్ విక్ర‌మ్ రాథోడ్ నుంచి అత‌ను డెబ్యూ క్యాప్ అందుకున్నాడు. ఈ ఫొటోల‌ను బీసీసీఐ ట్విట్ట‌ర్‌లో షేర్ చేసింది. రాహుల్ త్రిపాఠి క‌ల నిజ‌మైన వేళ అంటూ క్యాప్ష‌న్ పెట్టింది. టీ20 భార‌త జ‌ట్టుకు ఆడుతున్న 102వ ఆటగాడిగా రాహుల్ గుర్తింపు సాధించాడు. ఐపీఎల్‌లో నిల‌క‌డగా ఆడిన రాహుల్‌ పోయిన ఏడాదే టీమిండియా టీ20 జ‌ట్టుకు ఎంపిక‌య్యాడు. కానీ, బెంచ్‌కే ప‌రిమితం అయ్యాడు.

ఐపీఎల్‌లో 2018,19 సీజ‌న్‌లో రాజ‌స్థాన్ రాయ‌ల్స్‌కు ఆడిన‌ రాహుల్ ఆశించినంతగా రాణించ‌లేదు. కోల్‌క‌తా నైట్ రౌడ‌ర్స్ 2020వ వేలంలో అత‌డిని కొనుగోలు చేసింది. ఆ ఫ్రాంఛైజీ త‌ర‌ఫున ఓపెన‌ర్‌గా రాహుల్ త్రిపాఠి అద్భుతంగా ఆడాడు. పోయిన ఏడాది వేలంలో అత‌డిని స‌న్ రైజ‌ర్స్ హైద‌రాబాద్ సొంతం చేసుకుంది. మూడోస్థానంలో బ్యాటింగ్ వ‌చ్చి విలువైన ఇన్నింగ్స్‌లు ఆడాడు. మొత్తం 14 మ్యాచుల్లో158.24 స్ట్రైక్ రేటుతో 413 ర‌న్స్ చేశాడు.

📸📸 Dream come true moment for @tripathirahul52 🙌🙌#TeamIndia #INDvSL @mastercardindia pic.twitter.com/igiWnQEEIR

— BCCI (@BCCI) January 5, 2023