Visit:
PV Sindhu | భారత బ్యాడ్మింటన్ స్టార్ పీవీ సింధు త్వరలోనే పెళ్లి పీటలు ఎక్కబోతోంది. ఈ నెలలో ఆమె హైదరాబాద్‌లో నివసించే వెంకట దత్త సాయితో ఏడు అడుగులు వేయబోతున్నది. 22న ఉదయపూర్‌లోని లేక్స్ నగరంలో వివాహం జరుగనున్నది. ఈ క్రమంలో ఆదివారం కాబోయే భర్తతో కలిసి భారత దిగ్గజ బ్యాట్స్‌మెన్‌ సచిన్‌ టెండూల్కర్‌ను కలిసింది. సింధు, వెంకట దత్త సాయి జోడీ లెజెండరీ ప్లేయర్‌ను తమ పెళ్లికి ఆహ్వానించారు. ఈ సందర్భంగా సచిన్‌ సోషల్‌ మీడియా వేదికగా ఫొటోను షేర్‌ చేశారు. త్వరలోనే వైవాహిక జీవితంలో అడుగుపెడుతున్న జంటకు వారిద్దరికీ శుభాకాంక్షలు తెలిపారు. పెళ్లికి రావాలని ఆహ్వానించినందుకు ధన్యవాదాలు తెలిపాడు. ఇద్దరూ జీవితాంతం అద్భుతమైన జ్ఞాపకాలతో ఆనందంగా ఉండాలని సచిన్‌ ఆకాంక్షించారు.
డబుల్ ఒలింపిక్ పతక విజేత, బ్యాడ్మింటన్ స్టార్ అయిన పీవీ సింధు పోసెడెక్స్ టెక్నాలజీస్ ఎగ్జిక్యూటివ్ డైరెక్టర్‌గా ఉన్న హైదరాబాద్‌కు చెందిన వెంకట దత్త సాయిని వివాహం చేసుకోనున్నది. డిసెంబర్ 20 నుంచి వివాహ వేడుకలు మొదలవనున్నాయి. 22న ఉదయ్‌పూర్‌లో వివాహం జరుగనున్నది. రెండు కుటుంబాలు 24న హైదరాబాద్‌లో రిసెప్షన్‌ నిర్వహించనున్నారు. రెండు కుటుంబాలకు మధ్య పరిచయం ఉండగా.. నెలరోజుల కిందట వివాహం నిశ్చయించారు. జనవరి నుంచి మళ్లీ పీవీ సింధు షెడ్యూల్‌ బిజీ ఉండనుండగా.. పెళ్లికి సాధ్యమయ్యే విండో ఇది మాత్రమేనని ఆమె తండ్రి పీవీ రమణ పేర్కొన్నారు. వచ్చే సీజన్‌కు ప్రాధాన్యతత నేపథ్యంలో సింధు తన శిక్షణను త్వరలో మొదలుపడుతుదని చెప్పారు.
In badminton, the score always starts with ‘love’, & your beautiful journey with Venkata Datta Sai ensures it continues with ‘love’ forever! ♥️🏸
Thank you for personally inviting us to be a part of your big day. Wishing you both a lifetime of smashing memories & endless rallies… pic.twitter.com/kXjgIjvQKY— Sachin Tendulkar (@sachin_rt) December 8, 2024
