Kylian Mbappe | ఎంబాపే మా క్ల‌బ్‌ను వీడ‌డం లేదు.. ధ్రువీక‌రించిన పీఎస్‌జీ

Kylian Mbappe : ఫ్రాన్స్ స్టార్ ఫుట్‌బాల‌ర్ కిలియ‌న్ ఎంబాపే(Kylian Mbappe) కొత్త క్ల‌బ్‌కు మార‌నున్నాడ‌నే వార్త‌లకు తెర‌ప‌డింది. అత‌ను త‌మ క్ల‌బ్‌తోనే కొన‌సాగుతాడంటూ తాజాగా పారిస్ సెయింట్ జ‌ర్మ‌నీ(PSG) క్ల‌బ్ ధ్రువీక‌రించింది. అంతేకాదు ఎంబాపేను తొలి ప్రాధాన్య జట్టులోకి తీసుకున్నామ‌ని తెలిపింది. 'లోరియెంట్‌(Lorient)తో మ్యాచ్‌కు ముందు...

February 4, 2024 / 12:26 PM IST

Kylian Mbappe | ఎంబాపే మా క్ల‌బ్‌ను వీడ‌డం లేదు.. ధ్రువీక‌రించిన పీఎస్‌జీ

Kylian Mbappe : ఫ్రాన్స్ స్టార్ ఫుట్‌బాల‌ర్ కిలియ‌న్ ఎంబాపే(Kylian Mbappe) కొత్త క్ల‌బ్‌కు మార‌నున్నాడ‌నే వార్త‌లకు తెర‌ప‌డింది. అత‌ను త‌మ క్ల‌బ్‌తోనే కొన‌సాగుతాడంటూ తాజాగా పారిస్ సెయింట్ జ‌ర్మ‌నీ(PSG) క్ల‌బ్ ధ్రువీక‌రించింది. అంతేకాదు ఎంబాపేను తొలి ప్రాధాన్య జట్టులోకి తీసుకున్నామ‌ని తెలిపింది. ‘లోరియెంట్‌(Lorient)తో మ్యాచ్‌కు ముందు పీఎస్‌జీ యాజ‌మాన్యం, ఎంబాపే మ‌ధ్య జ‌రిగిన సుదీర్ఘ చ‌ర్య‌లు స‌ఫ‌లం అయ్యాయి. ఈరోజు ఉద‌యం అత‌డికి మా ఫ‌స్ట్ టీమ్ స్క్వాడ్‌లోకి తీసుకున్నాం’ అని పీఎస్‌జీ ఒక ప్ర‌క‌ట‌న‌లో తెలిపింది.

ఈ సీజ‌న్ ఆరంభం నుంచి పీఎస్‌జీ యాజ‌మాన్యం, ఎంబాపే మ‌ధ్య విభేదాలు ఏర్ప‌డ్డాయి. దాంతో క్ల‌బ్ తొలి ప్రాధాన్య జ‌ట్టు స‌భ్యుల‌తో విడిగా ఉంటూ వేరుగా సాధ‌న చేస్తున్నాడు. స‌మ‌స్య‌ను మ‌రింత పెద్ద‌ది చేయొద్ద‌నే ఉద్దేశంతో క్ల‌బ్ పెద్ద‌లు, అత‌డితో స‌మావేశ‌మ‌య్యారు. అయితే.. ఈ వ‌రల్డ్ క‌ప్ హీరోను రియ‌ల్ మాడ్రిడ్(Real Madrid) క్ల‌బ్‌కు అప్ప‌గిస్తార‌నే వార్త‌లు వినిపించాయి. సౌదీ అరేబియాకు చెందిన అల్ హిలాల్(All Hilal) క్ల‌బ్ ఎంబాపే కోసం ఏకంగా రూ. 400 కోట్ల ఆఫ‌ర్ ప్ర‌క‌టించింది. కానీ, అత‌ను ఓకే చెప్ప‌లేదు.

గోల్డెన్ బూట్ అవార్డుతో ఎంబాపే

నిరుడు ఖ‌త‌ర్‌లో జ‌రిగిన వ‌ర‌ల్డ్ క‌ప్‌(FIFA World Cup 2022)లో ఎంబాపే అద‌ర‌గొట్టాడు. ఫైన‌ల్లో హ్యాట్రిక్ గోల్స్(Hat-trick Goals) కొట్టి అర్జెంటీనా(Arjentina)ను వ‌ణికించాడు. కానీ, షూటౌట్‌లో 2-4తో ఫ్రాన్స్ ఓట‌మి పాలైంది. ఆ టోర్నీలో ఎక్కువ‌ గోల్స్ కొట్టిన అత‌డికి గోల్డెన్ బూట్ అవార్డు ల‌భించింది.