Wahab Riaz | వ‌ర‌ల్డ్ క‌ప్ ముందు పాకిస్థాన్‌కు షాక్.. వీడ్కోలు ప‌లికిన సీనియ‌ర్ పేస‌ర్

Wahab Riaz  : ఆసియా క‌ప్(Asia Cup), వ‌న్డే ప్ర‌పంచ‌ క‌ప్(ODI WC 2023) ముందు పాకిస్థాన్‌కు భారీ షాక్‌.. సీనియర్ ఫాస్ట్ బౌల‌ర్ వ‌హాబ్ రియాజ్‌(Wahab Riaz) ఈరోజు అంత‌ర్జాతీయ క్రికెట్‌ (International Cricket)కు వీడ్కోలు ప‌లికాడు. రెండేళ్లుగా జాతీయ జ‌ట్టులో చోటు ద‌క్క‌క‌పోవ‌డంతో నిరాశ చెందిన‌ అత‌ను..

Wahab Riaz  : ఆసియా క‌ప్(Asia Cup), వ‌న్డే ప్ర‌పంచ‌ క‌ప్(ODI WC 2023) ముందు పాకిస్థాన్‌కు భారీ షాక్‌.. సీనియర్ ఫాస్ట్ బౌల‌ర్ వ‌హాబ్ రియాజ్‌(Wahab Riaz) ఈరోజు అంత‌ర్జాతీయ క్రికెట్‌(International Cricket)కు వీడ్కోలు ప‌లికాడు. రెండేళ్లుగా జాతీయ జ‌ట్టులో చోటు ద‌క్క‌క‌పోవ‌డంతో నిరాశ చెందిన‌ అత‌ను ఈ నిర్ణ‌యం తీసుకున్న‌ట్టు తెలుస్తోంది.

‘అంత‌ర్జాతీయ వేదిక‌ల‌పై పాక్ జ‌ట్టుకు ప్రాతినిధ్యం వ‌హించ‌డాన్ని గొప్ప గౌర‌వంగా భావిస్తున్నా. ఈరోజుతో సుదీర్ఘ కెరీర్‌కు వీడ్కోలు పలుకుతున్నా. రిటైర్మెంట్ తీసుకోవ‌డంపై రెండేళ్లుగా ఆలోచిస్తున్నా. ఈ ఏడాది క‌చ్చితంగా నిర్ణ‌యం తీసుకోవాల‌ని అనుకున్నా. అయితే.. ఇక‌నుంచి ఫ్రాంచైజ్ క్రికెట్‌(franchise cricket)లో మాత్ర‌మే క‌నిపిస్తాను. ప‌లు దేశాల‌ లీగ్స్‌లో అభిమానుల‌ను మ‌ళ్లీ అల‌రిస్తాను. ఆయా లీగ్స్‌లో ప్ర‌పంచంలోని గొప్ప క్రికెట‌ర్ల‌తో పోటీప‌డడాన్ని ఆస్వాదిస్తాను’ అని రియాజ్ వెల్ల‌డించాడు. ఈ ఎడ‌మ చేతివాటం పేస‌ర్ త‌న కెరీర్‌లో మూడు వ‌ర‌ల్డ్ క‌ప్‌(2011, 2015, 2019)లు ఆడాడు.

2011 వ‌ర‌ల్డ్ క‌ప్‌ సెమీఫైన‌ల్లో టీమిండియాపై 5 వికెట్లు తీసిన రియాజ్

రియాజ్ 2008లో పాక్ జ‌ట్టులోకి వ‌చ్చాడు. జింబాబ్వేతో జ‌రిగిన సిరీస్‌తో వ‌న్డేల్లో అరంగేట్రం చేశాడు. 2011 వ‌ర‌ల్డ్ క‌ప్‌లో రియాజ్ గొప్ప‌గా రాణించాడు. సెమీఫైన‌ల్లో టీమిండియాపై 5 వికెట్ల ప్ర‌ద‌ర్శ‌న‌తో ఔరా అనిపించాడు. దాంతో, టెస్టు జ‌ట్టులోకి వ‌చ్చాడు. కానీ, పూర్తిగా వ‌న్డేలు, టీ20ల మీద‌నే ఫోక‌స్ పెట్టాల‌ని 2019లో టెస్టు ఫార్మాట్ నుంచి విరామం తీసుకున్నాడు. 2020 డిసెంబ‌ర్‌లో రియాజ్ పాక్ త‌ర‌ఫున‌ చివ‌రి మ్యాచ్ ఆడేశాడు. 27 టెస్టులు, 91 వ‌న్డేలు, 36 టీ20 ఆడిన రియాజ్‌ 237 వికెట్లు ప‌డ‌గొట్టాడు.

ఇవి కూడా చ‌ద‌వండి

Ben Stokes | ఇంగ్లండ్ వ‌ర‌ల్డ్ క‌ప్ హీరో వ‌చ్చేశాడు.. న్యూజిలాండ్ వ‌న్డే సిరీస్‌తో జ‌ట్టులోకి

Rishabh Pant | మళ్లీ గ్రౌండ్‌లోకి ఎంట్రీ ఇచ్చిన‌ రిషబ్ పంత్.. వీడియో వైర‌ల్