Visit:
Mohammad Nabi : క్రికెట్ దిగ్గజాల వారసులు జూనియర్ స్థాయిలో రాణించడం చూశాం. అయితే.. తండ్రీకొడుకులు ఒకే జెర్సీతో మైదానంలోకి దిగడం మాత్రం చాలా అరుదైన విషయం. ఈ అపురూపమైన ఘట్టానికి బంగ్లాదేశ్ ప్రీమియర్ లీగ్ (Bangladesh Premier League) వేదికైంది. సోమవారం నొకాలీ ఎక్స్ప్రెస్ జట్టు తరుఫున అఫ్గనిస్థాన్ ఆల్రౌండర్ మొహమ్మద్ నబీ (Mohammad Nabi), అతడి కుమారుడు హసన్ ఇసాఖిల్ (Hasan Eisakhil) కలిసి ఆడారు. తద్వారా ఫ్రాంచైజీ క్రికెట్లో కలిసి ఆడిన తండ్రీకొడుకులుగా నబీ, ఇసాఖిల్ చరిత్ర సృష్టించారు.
మ్యాచ్కు ముందు నబీ చేతుల మీదుగా డెబ్యూట్ క్యాప్ అందుకున్నాడు. తండ్రి వారసత్వాన్ని కొనసాగించిన హసన్ విధ్వంసక ఆటతో రెచ్చిపోయాడు. నబీ మాదిరిగానే అతడు బ్యాట్ను కాస్త వంచి పట్టుకొని.. ఫ్లిక్, సొగసైన ఫుల్ షాట్లతో అలరించాడు. ఢాకా క్యాపిటల్స్ బౌలర్లను భయపెడుతూ 60 బంతుల్లో ఏడు ఫోర్లు, ఐదు సిక్సర్లతో 93 రన్స్ కొట్టాడు.
🚨 FIRST TIME IN THE HISTORY OF CRICKET 🚨
– A father and son duo is playing together in a team at the Int’l level 👏🏻
– Mohammad Nabi (41) playing with his son Hassan Eisakhil (19) in BPL 2026 🔥
– What’s your take 🤔pic.twitter.com/sW4HpDH2rB
— Richard Kettleborough (@RichKettle07) January 12, 2026
మొదట సౌమ్యా సర్కార్తో కలిసి హసన్ 101 రన్స్ జోడించాడు. అనంతరం 14వ ఓవర్లో నబీ క్రీజులోకి వెళ్లాడు. తండ్రి కొడుకులు దూకుడుగా ఆడి నాలుగో వికెట్కు 53 పరుగులు రాబట్టారు. కుమారుడితో కలిసి ఫ్రాంచైజీ క్రికెట్లో ఆడడాన్ని నబీ ఎంతగానో ఆస్వాదించాడు. మ్యాచ్ అనంతరం మీడియా సమావేశంలో అతడు పుత్రోత్సాహంతో ఉబ్బితబ్బిబ్బయ్యాడు.
