IPL 2024 | దేశ‌వాళీలో హిట్.. ఐపీఎల్‌లో జాక్‌పాట్.. ఎవ‌రీ హ‌ర్విక్..?

IPL 2024 : ఐపీఎల్ 17వ సీజ‌న్‌లో బోణీ కొట్టిన‌ ముంబై ఇండియ‌న్స్(Mumbai Indians) రెండో విజ‌యంపై క‌న్నేసింది. ఆర్సీబీతో మ్యాచ్‌కు ముందు ముంబై ఫ్రాంచైజీ కీల‌క నిర్ణ‌యం తీసుకుంది. గాయ‌ప‌డిన వికెట్ కీప‌ర్, బ్యాట‌ర్ విష్ణు వినోద్ (Vishnu Vinod) స్థానంలో కొత్త కుర్రాడిని తీసుకుంది.

April 11, 2024 / 05:45 PM IST

IPL 2024 | దేశ‌వాళీలో హిట్.. ఐపీఎల్‌లో జాక్‌పాట్.. ఎవ‌రీ హ‌ర్విక్..?

IPL 2024 : ఐపీఎల్ 17వ సీజ‌న్‌లో బోణీ కొట్టిన‌ ముంబై ఇండియ‌న్స్(Mumbai Indians) రెండో విజ‌యంపై క‌న్నేసింది. సొంత మైదానంలో గురువారం రాయ‌ల్ చాలెంజ‌ర్స్ బెంగ‌ళూరు(RCB)తో పాండ్యా సేన‌ త‌ల‌ప‌డ‌నుంది. ఈ మ్యాచ్‌కు ముందు ముంబై ఫ్రాంచైజీ కీల‌క నిర్ణ‌యం తీసుకుంది. గాయ‌ప‌డిన వికెట్ కీప‌ర్, బ్యాట‌ర్ విష్ణు వినోద్ (Vishnu Vinod) స్థానంలో కొత్త కుర్రాడిని తీసుకుంది. సౌరాష్ట్రకు చెందిన ఈ 24 ఏండ్ల హ‌ర్విక్ దేశాయ్‌(Harvik Desai)తో ఒప్పందం చేసుకుంది.

గురువారం హ‌ర్విక్‌ను టీమ్‌లోకి ఆహ్వానిస్తూ ముంబై ఫ్రాంచైజీ ఎక్స్ ఖాతాలో పోస్ట్ పెట్టింది. ఎడ‌మ చేయి ముంజేతికి గాయం కావ‌డంతో టోర్నీకి దూర‌మైన వినోద్ త్వ‌ర‌గా కోలుకోవాల‌ని మ‌రో పోస్ట్‌లో రాసుకొచ్చింది. వికెట్ కీప‌ర్, బ్యాట‌ర్ అయిన హ‌ర్వీక్ గ‌త కొంత కాలంగా దేశ‌వాళీలో నిల‌క‌డ‌గా రాణిస్తున్నాడు.

Saurashtra ✈️ मुंबई 🏟️

Welcome home, Harvik! 💙
The right-handed WK-batter replaces Vishnu. #MumbaiMeriJaan #MumbaiIndians pic.twitter.com/6D0PfgbEld

— Mumbai Indians (@mipaltan) April 11, 2024

నిరుడు స‌య్య‌ద్ ముస్తాక్ అలీ ట్రోఫీలో సౌరాష్ట్ర త‌రఫున‌ ఈ చిచ్చ‌ర‌పిడుగు ఓ రేంజ్‌లో ఆడాడు. 175 స్ట్రయిక్ రేటుతో ఏకంగా 336 ర‌న్స్ సాధించాడు. అంతేకాదు 2018లో అండ‌ర్ -19 వ‌ర‌ల్డ్ క‌ప్ గెలిచిన జ‌ట్టులో హ‌ర్విక్ స‌భ్యుడు కూడా.

𝐂𝐀𝐍’𝐓. 𝐖𝐀𝐈𝐓. 😍🍿#MumbaiMeriJaan #MumbaiIndians #MIvRCB https://t.co/TqauPxPTlM

— Mumbai Indians (@mipaltan) April 11, 2024

ప‌దిహేడో సీజ‌న్‌లో హ్యాట్రిక్ ఓట‌ముల త‌ర్వాత ముంబై గెలుపు రుచి చూసింది. సొంత మైదానంలో ఢిల్లీ క్యాపిట‌ల్స్‌ను చిత్తు చేసి ప‌రుగుల ఖాతా తెరిచింది. గురువారం ముంబై జ‌ట్టు రాయ‌ల్ చాలెంజ‌ర్స్ బెంగ‌ళూరు (RCB)తో బిగ్ ఫైట్‌కు సిద్ధ‌మైంది. ఇరుజ‌ట్ల‌కు ఈ మ్యాచ్ ఎంతో కీల‌కం కానుంది. కొత్త కెప్టెన్ హార్దిక్ పాండ్యా జ‌ట్టుకు రెండో విజ‌యం అందించాల‌నే ప‌ట్టుద‌ల‌తో ఉండ‌గా.. ఢిల్లీపై 233 ప‌రుగులు బాదిన ముంబై బ్యాట‌ర్లు ఈసారి ఆర్సీబీపై కూడా అదే త‌ర‌హాలో చెల‌రేగాల‌నే క‌సితో ఉన్నారు.