Luka Modric | వ‌చ్చే సీజ‌న్‌లోనూ రియల్ మాడ్రిడ్‌కే ఆడుతా.. క్రొయేషియా కెప్టెన్ కీల‌క నిర్ణ‌యం

Luka Modric : క్రొయేషియా కెప్టెన్ ల్యూకా మొడ్రిక్(Luka Modric) కీల‌క నిర్ణ‌యం తీసుకున్నాడు. లాలిగా (LaLiga) క్ల‌బ్ రియ‌ల్ మాడ్రిడ్(Real Madrid) త‌ర‌ఫున మ‌రో ఏడాది కాలం ఆడ‌బోతున్నాన‌ని ప్ర‌క‌టించాడు. ఈ విష‌యాన్ని అత‌ను ట్విటర్ పోస్ట్ ద్వారా వెల్లడించాడు. 'మాడ్రిడ్ నా స్వీట్ హోమ్' అని ట్వీట్ చేశాడు. దాంతో, మాడ్రిడ్ క్ల‌బ్ ఈ మిడ్ ఫీల్డ‌ర్‌(Mid Fielder) కాంట్రాక్టును...

June 26, 2023 / 07:30 PM IST

Luka Modric | వ‌చ్చే సీజ‌న్‌లోనూ రియల్ మాడ్రిడ్‌కే ఆడుతా.. క్రొయేషియా కెప్టెన్ కీల‌క నిర్ణ‌యం

Luka Modric : క్రొయేషియా కెప్టెన్ ల్యూకా మొడ్రిక్(Luka Modric) కీల‌క నిర్ణ‌యం తీసుకున్నాడు. లాలిగా (LaLiga) క్ల‌బ్ రియ‌ల్ మాడ్రిడ్(Real Madrid) త‌ర‌ఫున మ‌రో ఏడాది కాలం ఆడ‌బోతున్నాన‌ని ప్ర‌క‌టించాడు. ఈ విష‌యాన్ని అత‌ను ట్విటర్ పోస్ట్ ద్వారా వెల్లడించాడు. ‘మాడ్రిడ్ నా స్వీట్ హోమ్’ అని ట్వీట్ చేశాడు. దాంతో, మాడ్రిడ్ క్ల‌బ్ ఈ మిడ్ ఫీల్డ‌ర్‌(Mid Fielder) కాంట్రాక్టును మ‌రో ఏడాదికి పొడిగించింది. ఇప్పుడు మొడ్రిక్‌కు 37 ఏళ్లు. దాంతో, మాడ్రిడ్ త‌ర‌ఫున ఆఖ‌రి సీజ‌న్ ఆడి ఫుట్‌బాల్‌కు వీడ్కోలు చెప్పాల‌ని అనుకుంటున్నాడ‌ట‌.

మొడ్రిక్ 2012 నుంచి రియ‌ల్ మాడ్రిడ్‌కు కొన‌సాగుతున్నాడు. ఆ క్ల‌బ్ త‌ర‌ఫున 2017 -18 సీజ‌న్ అత‌డి కెరీర్‌లోనే బెస్ట్ అని చెప్పాలి. ఆ స‌మ‌యంలోనే అత‌ను ప్ర‌తిష్ఠాత్మ‌క‌మైన‌ బలాన్ డిఆర్(Ballon d’Or) అవార్డు గెలిచాడు. అంతేకాదు ‘బెస్ట్ ఫిఫా బెస్ట్ ప్లేయ‌ర్'(Best FIFA Player Award), ‘యూఈఎఫ్ఏ ప్లేయ‌ర్ ఆఫ్ ది ఇయ‌ర్'(UEFA Player of the Year Award) అవార్డులు అందుకున్నాడు. క్రిస్టియానో రొనాల్డో త‌ర్వాత క్ల‌బ్‌లో కీల‌క ఆట‌గాడిగా ఎదిగాడు.

Home Sweet Home. #Modric2024

— Luka Modrić (@lukamodric10) June 26, 2023

488 మ్యాచ్‌లు.. 23 టైటిళ్లు

ఇప్ప‌టివ‌ర‌కు మాడ్రిడ్ త‌ర‌ఫున 488 మ్యాచ్‌లు ఆడిన ఈ మిడ్ ఫీల్డ‌ర్ 23 టైటిళ్లు సాధించాడు. వాటిలో ఐదు చాంపియ‌న్ లీగ్ టైటిళ్లు, 4 యూరోపియ‌న్ సూప‌ర్ క‌ప్స్, నాలుగు స్పానిష్ సూప‌ర్ క‌ప్స్ ఉన్నాయి. అద్భుతంగా రాణిస్తున్న మొడ్రిక్ క్రొయేషియా జాతీయ జ‌ట్టుకు కెప్టెన్‌గా ఎంపిక‌య్యాడు. నిరుడు ఖ‌త‌ర్‌లో ముగిసిన వ‌ర‌ల్డ్ క‌ప్‌లో త‌మ టీమ్‌ను సెమీస్ వ‌ర‌కు తీసుకెళ్లాడు. అయితే.. సెమీస్ పోరులో అర్జెంటీనా 3-0తో క్రొయేషియాను చిత్తు చేసింది. దాంతో, రెండోసారి ఫైన‌ల్ ఆడాల‌నుకున్న‌ మొడ్రిక్ క‌ల చెదిరింది.