Lionel Messi | పీఎస్‌జీ క్ల‌బ్ వాతావ‌ర‌ణంలో ఇమ‌డ‌లేక‌పోయా.. మెస్సీ షాకింగ్ కామెంట్స్

Lionel Messi : లెజెండరీ ఫుట్‌బాల‌ర్, అర్టెంటీనా కెప్టెన్ లియోన‌ల్ మెస్సీ(Lionel Messi) వచ్చే సీజ‌న్ కోసం ఉత్సాహంగా ఎదురుచూస్తున్నాడు. ఇంట‌ర్ మియామి(Inter Miami) క్ల‌బ్ త‌ర‌ఫున తొలి మ్యాచ్ ఆడేందుకు ఆతృత‌గా ఉన్నాడు. ఈమ‌ధ్యే  పీఎస్‌జీ(Paris Saint-Germain)ను వీడిన ఈ స్టార్ ప్లేయ‌ర్ షాకింగ్ కామెంట్స్ చేశాడు. పీఎస్‌జీ ....

Lionel Messi : లెజెండరీ ఫుట్‌బాల‌ర్, అర్టెంటీనా కెప్టెన్ లియోన‌ల్ మెస్సీ(Lionel Messi) వచ్చే సీజ‌న్ కోసం ఉత్సాహంగా ఎదురుచూస్తున్నాడు. ఇంట‌ర్ మియామి(Inter Miami) క్ల‌బ్ త‌ర‌ఫున తొలి మ్యాచ్ ఆడేందుకు ఆతృత‌గా ఉన్నాడు. ఈమ‌ధ్యే  పీఎస్‌జీ(Paris Saint-Germain)ను వీడిన ఈ స్టార్ ప్లేయ‌ర్ షాకింగ్ కామెంట్స్ చేశాడు. పీఎస్‌జీ వాతావ‌ర‌ణంలో ఇమ‌డ‌లేక‌పోయానని, పెద్ద సంఖ్య‌లో అభిమానుల‌తో విభేదాలు చ‌విచూశానని మెస్సీ తెలిపాడు.

‘పీఎస్‌జీ క్ల‌బ్‌తో కొన‌సాగిన రోజులు క‌ష్టంగా గ‌డిచాయి. నాతో పాటు కుటుంబస‌భ్యులు కూడా అక్క‌డి వాతావ‌ర‌ణానికి అల‌వాటు ప‌డేందుకు ఇబ్బంది ప‌డ్డారు. మ‌రోవిష‌యం ఏంటంటే..? అక్క‌డివాళ్లు న‌న్ను ఓర‌కంగా చూసేవాళ్లు. అది నేను అస్స‌లు ఊహించ‌లేదు’ అని మెస్సీ వెల్ల‌డించాడు. అంతేకాదు ఆ క్ల‌బ్ ఫ్యాన్స్‌లో చాలామంది త‌న‌తో విభేదించేవాళ్ల‌ని ఈ వ‌ర‌ల్డ్ క‌ప్ హీరో అన్నాడు.

భార్యా పిల్ల‌ల‌తో మెస్సీ

జూన్ 30న ఆఖ‌రి మ్యాచ్ 

ఫుట్‌బాల్ దిగ్గ‌జాల్లో ఒక‌డైన మెస్సీ 2021లో పీఎస్‌జీతో రెండేళ్ల‌ కాంట్రాక్టు కుదుర్చుకున్నాడు. జూన్ 30న అత‌డు ఆ క్ల‌బ్ త‌ర‌ఫున ఆఖ‌రి మ్యాచ్ ఆడేశాడు. ఆ క్ల‌బ్ త‌ర‌ఫున మెస్సీ 28 గోల్స్ చేశాడు. ఆ త‌ర్వాత‌.. వ‌చ్చే సీజ‌న్‌లో అత‌డు ఏ క్ల‌బ్‌కు వెళ్తాడ‌నే ప్ర‌శ్న‌లు ఊపందుకున్నాయి. ప్ర‌పంచ‌వ్యాప్తంగా అభిమానగ‌ణం ఉన్న మెస్సీని ద‌క్కించుకునేందుకు  స్పెయిన్‌కు చెందిన‌ బార్సిలోనా(Barcelona), సౌదీ అరేబియా క్ల‌బ్ అల్ – హిలాల్(Al Hilal ) క్ల‌బ్స్ ప్ర‌య‌త్నించాయి. కానీ, మెస్సీ అమెరికాకు చెందిన ఇంట‌ర్ మియామికి ఓకే చెప్పాడు.