Visit:
ICC ODI Rankings : ఐసీసీ మహిళల వన్డే ప్రపంచ కప్‌లో మెరిసిన క్రికెటర్లు ర్యాంకింగ్స్‌లో సత్తా చాటారు. సెమీఫైనల్లో ఆస్ట్రేలియాపై అజేయ శతకంతో జట్టును గెలిపించిన జెమీమా రోడ్రిగ్స్ (Jemimah Rodrigues) తొలిసారి టాప్-10లోకి దూసుకొచ్చింది. అయితే.. భారత ఓపెనర్ స్మృతి మంధాన (Smriti Mandhana)కు మాత్రం దక్షిణాఫ్రికా కెప్టెన్ లారా వొల్వార్డ్త్(Laura Wolvaardt) షాకిచ్చింది. పదమూడో సీజన్ ప్రపంచకప్‌లో సఫారీలకు కప్ అందించలేకపోయిన లారా వ్యక్తిగతంగా మైలురాయికి చేరుకుంది. కెరీర్‌లోనే అత్యుత్తమంగా 814 రేటింగ్ పాయింట్స్‌తో నంబర్ 1 ర్యాంక్ కైవసం చేసుకుంది.
వరల్డ్ కప్ ముందు నుంచి టాప్‌లో ఉన్న మంధాన టోర్నీ ముగిసే ఒక ర్యాంక్ కోల్పోయింది. స్వదేశంలో జరిగిన మెగా టోర్నీలో శుభారంభాలు ఇస్తూ ఒక సెంచరీ, ఒక అర్ధ శతకంతో టీమిండియా విజయంలో కీలకమైన తను రెండో ర్యాంక్‌లో కొనసాగుతోంది. ప్రపంచ కప్‌లో సూపర్ ఫామ్‌ కొనసాగించి వరుసగా రెండు శతకాలు బాదిన లారా వన్డేల్లో ర్యాంకింగ్స్‌లో అగ్రస్థానంలో నిలిచింది.
Laura Wolvaardt is new No.1 batter in women’s ODIs 🔝 🇿🇦
She overtakes Smriti Mandhana with a career-high rating of 814 pic.twitter.com/8qspZxzcRD
— ESPNcricinfo (@ESPNcricinfo) November 4, 2025
అదిరే బ్యాటింగ్‌తో దక్షిణాఫ్రికాను ముందుండి నడిపించిన ఆమె ఫైనల్లోనూ 101 రన్స్‌తో పోరాడిన జట్టును గెలిపించలేకపోయింది. అయితే.. టోర్నీలో 571 రన్స్‌తో టాప్ స్కోరర్‌గా నిలిచిన లారా టీమిండియా వైస్ కెప్టెన్ మంధానను రెండో స్థానానికి నెట్టేసింది. ప్రస్తుతం మంధాన ఖాతాలో 811 రేటింగ్ పాయింట్లు ఉన్నాయి. టీ20 బ్యాటర్ల జాబితాలోనూ ఆమె రెండో స్థానంలోనే కొనసాగుతోంది.
వరల్డ్ కప్ నాకౌట్ పోరులో ఆస్ట్రేలియాపై చిరస్మరణీయ సెంచరీ జెమీమా రోడ్రిగ్స్‌కు ప్లస్ అయింది. పటిష్టమైన ఆసీస్ పేస్ దళాన్ని ఎదుర్కొని 127 పరుగులతో అజేయంగా నిలిచి జట్టును ఫైనల్ చేర్చిన జెమ్మీ.. ఏకంగా తొమ్మిది స్థానాలు మెరుగుపరచుకొని మొదటిసారి వన్డే ర్యాంకిగ్స్‌లో టాప్ -10లోకి దూసుకొచ్చింది. సెమీస్‌లో భారత్‌పై సెంచరీతో మెరిసిన ఫొబే లిచ్‌ఫీల్డ్ 13 స్థానాలు మెరుగుపడి.. 13వ స్థానం సాధించింది. 215 పరుగులు, 22 వికెట్లతో ‘ప్లేయర్ ఆఫ్ ది సిరీస్‌’గా ఎంపికైన దీప్తి శర్మ (Deeptis Sharma) ఆల్‌రౌండర్ల విభాగంలో నాలుగో ర్యాంక్‌కు ఎగబాకింది.
