Joe Root | టెస్టుల్లో మ‌రో మైలురాయి అందుకున్న రూట్.. 10వేల ర‌న్స్‌, 50వికెట్లు తీసిన మూడో ఆట‌గాడిగా ఘ‌న‌త‌

టెస్టుల్లో 10 వేల ర‌న్స్, 50 వికెట్లు, 150కి పైగా క్యాచ్‌లు ప‌ట్టిన రెండో ఆట‌గాడిగా రూట్

Joe Root : ఇంగ్లండ్ మాజీ కెప్టెన్ జో రూట్ మ‌రో మైలురాయి అందుకున్నాడు. టెస్టుల్లో ప‌ది వేల ప‌రుగులు, 50కి పైగా వికెట్లు తీసిన మూడో ఆట‌గాడిగా రూట్ రికార్డు సృష్టించాడు. ముల్తాన్ స్టేడియంలో జ‌రిగిన పాకిస్థాన్‌తో జ‌రిగిన‌ రెండో టెస్టులో అత‌ను ఈ ఘ‌న‌తకు చేరువ‌య్యాడు. 70వ ఓవ‌ర్‌లో పాకిస్థాన్ బ్యాట‌ర్ ఫ‌హీం అష్ర‌ఫ్‌ను అవుట్ చేయ‌డంతో రూట్ టెస్టుల్లో 50 వికెట్ల క్ల‌బ్‌లో చేరాడు. ఇప్ప‌టివ‌ర‌కూ ద‌క్షిణాఫ్రికా మాజీ ఆల్‌రౌండ‌ర్ జాక్వెస్ క‌లిస్‌, ఆస్ట్రేలియా మాజీ కెప్టెన్ స్టీవ్‌వా మాత్ర‌మే టెస్టుల్లో 10వేల‌కు పైగా ప‌రుగులు, 50కి పైగా వికెట్లు తీశారు. క‌లిస్ టెస్టుల్లో 13,289 ర‌న్స్ చేయ‌డ‌మే కాకుండా 292 వికెట్లు తీశాడు. స్టీవ్ వా ఖాతాలో 10,927 ప‌రుగులు, 92 వికెట్లు ఉన్నాయి. రూట్ టెస్టుల్లో 10,629 ర‌న్స్ స్కోర్ చేశాడు. అయితే.. క‌లిస్, స్టీవ్ వా రిటైర్ కావ‌డంతో ఈ జాబితాలో రూట్ టాప్ ప్లేస్‌కు వెళ్లే అవ‌కాశం ఉంది.

టెస్టుల్లో 10 వేల ర‌న్స్, 50 వికెట్లు, 150కి పైగా క్యాచ్‌లు ప‌ట్టిన రెండో ఆట‌గాడిగా రూట్ మ‌రో రికార్డు సొంతం చేసుకున్నాడు. క‌లిస్ 200 క్యాచ్‌ల‌తో మొదటి స్థానంలో ఉన్నాడు. రూట్ 166 క్యాచ్‌ల‌తో రెండో స్థానంలో నిలిచాడు. రెండో టెస్టులో ఇంగ్లండ్ 26 ప‌రుగుల తేడాతో పాక్‌పై విజ‌యం సాధించింది. మొద‌టి టెస్టులో కూడా నెగ్గిన‌ ఇంగ్లండ్ మూడు టెస్టుల సిరీస్‌లో 2-0తో ఆధిక్యంలో ఉంది. మూడో టెస్ట్ డిసెంబ‌ర్ 17న క‌రాచీలో జ‌ర‌గ‌నుంది.