Visit:
MS Dhoni Out | ఐపీఎల్‌లో భాగంగా కోల్‌కతాతో జరిగిన మ్యాచ్‌లో చెన్నై సూపర్‌ కింగ్స్‌ దారుణంగా ఓటమిపాలైంది. తొలుత బ్యాటింగ్‌ చేసిన సీఎస్‌కే 103 పరుగులకే కుప్పకూలింది. ఈ మ్యాచ్‌కు మహేంద్ర సింగ్‌ ధోనీ చాలా రోజుల తర్వాత సీఎస్‌కే కెప్టెన్‌గా బాధ్యతలు స్వీకరించాడు. ఈ మ్యాచ్‌లో ధోనీ కేవలం ఒక పరుగు చేసి అవుట్‌ అయిన విషయం తెలిసిందే. ధోనీ అవుట్‌పై సోషల్‌ మీడియాలో వివాదం చెలరేగింది. సోషల్‌ మీడియాలో పెద్ద ఎత్తున ట్రోల్‌ చేస్తున్నారు. మాజీ క్రికెటర్లు ధోని అవుట్‌పై ప్రశ్నలు సంధించారు. వివరాల్లోకి వెళితే.. ఈ మ్యాచ్‌లో కోల్‌కతా టాస్‌ గెలిచి సీఎస్‌కేను బ్యాటింగ్‌కు ఆహ్వానించింది. ఒకానొక సమయంలో సీఎస్‌కే 72 పరుగులకే ఏడు వికెట్లు కోల్పోయింది.
The ball clearly touched the bat .. it’s Not Out…#Dhoni #KKRvsCSK #KKRvCSK pic.twitter.com/Ac5v0IqOCt
— Songs Lover (@Songs_Lover_) April 11, 2025
ఈ సమయంలో బ్యాటింగ్‌కు వచ్చిన ధోనీ ఎక్కువ సేపు క్రీజులో నిలువలేకపోయాడు. ధోనీ మైదానంలోకి వచ్చే సమయంలో కేకేఆర్‌ బౌలింగ్ లైనప్‌లో సునీల్‌ నరైన్, వరుణ్ చక్రవర్తి ఉన్నారు. తొలుత నరైన్.. ఆ తర్వాత వరుణ్ ధోనిని ఇబ్బంది పెట్టారు. 16వ ఓవర్లో నరైన్ మళ్లీ బౌలింగ్ చేసేందుకు వచ్చాడు. ఈ ఓవర్లో మూడు బంతికి ధోనీ వికెట్ల ముందు దొరికిపోయాడు. బంతి ప్యాడ్‌ను తాకింది. దాంతో ఫీల్డ్‌ అంపైర్ అవుట్‌గా ప్రకటించాడు. దాంతో వెంటనే ధీనీ డీఆర్‌ఎస్‌కు వెళ్లాడు. థర్డ్ అంపైర్ సైతం అవుట్‌ ఇచ్చాడు. రివ్యూ సమయంలో బంతి బ్యాట్ దగ్గర నుంచి వెళ్లిన సమయంలో స్క్రీన్‌పై స్పైక్స్ కనిపించాయి. అయినా, ఇవేవీ పట్టించుకోకుండా థర్డ్ అంపైర్ అవుట్‌గా ప్రకటించాడు. ఈ నిర్ణయంపై అటు సీఎస్‌కే అభిమానులతో పాటు కామెంటేటర్స్‌ సైతం షాక్‌ అయ్యారు. వీరేంద్ర సెహ్వాగ్‌, ఆకాశ్‌ చోప్రా, అంబటి రాయుడు అంపైర్ నిర్ణయాన్ని అంగీకరించాల్సిందేనన్నారు. మరో వ్యాఖ్యాత నవజ్యోత్‌ సింగ్‌ సిద్ధు మాత్రం నాటౌట్‌ అని పేర్కొన్నారు.
Ipl match fixing proof.
Dhoni is clearly not out but given out by 3rd umpire.#fixing#ipl2025#matchfixing#Dhoni pic.twitter.com/29DcuH7Nrz— Aditya007 (@AdityaSaha007) April 11, 2025
రీప్లే వీడియోలో బంతి బ్యాట్ వైపు నుంచి వెళ్లిన సమయంలో బంతి బ్యాట్‌కు తాకినా.. అవుట్‌ ఇవ్వడంతో ఒక పరుగు చేసి పెవిలియన్‌కు చేరుకున్నాడు. ఈ మ్యాచ్‌లో కేవలం శివం దూబే మాత్రం 31 పరుగులతో టాప్‌ స్కోరర్‌గా నిలిచాడు. ఆ తర్వాత విజయ్‌ శంకర్‌ మాత్రమే 29 పరుగులు చేశాడు. చాలా మంది బ్యాట్స్‌మెన్‌ రెండంకెల స్కోర్‌ చేయలేకపోయాడు. ఇక ఐపీఎల్‌లో చెన్నైకి ఇది ఐదో ఓటమి. చెపాక్‌లో అత్యల్ప స్కోర్‌ చేసిన సీఎస్‌కే.. సొంత మైదానంలో వరుసగా మూడో మ్యాచ్‌లో ఓటమిని చవిచూసింది. టాస్‌ నుంచి సీఎస్‌కేకు ఈ మ్యాచ్‌లో ఏదీ కలిసిరాలేదు. నిర్ణీత 20 ఓవర్లలో 103 పరుగులు మాత్రమే చేయగలిగింది. ఆ తర్వాత నరైన్ అద్భుత బ్యాటింగ్‌తో ఆకట్టుకున్నాడు 18 బంతుల్లో రెండు ఫోర్లు, ఐదు సిక్సర్ల సహాయంతో 44 పరుగులు చేశాడు. దాంతో 10.1 ఓవర్లలో రెండు వికెట్ల నష్టానికి కేకేఆర్‌ 107 పరుగులు చేసి లక్ష్యాన్ని చేరుకుంది. బౌలింగ్‌లో నరైన్ మూడు వికెట్లు సైతం పడగొట్టాడు.
Ms Dhoni clearly not out… Umpire pagal hai spike bhi and gap toh bilkul nhi hai😳
what your take….???#CSKvsKKR pic.twitter.com/wqjJHwjYEt— 𝐓𝐇𝐄 𝐒𝐔𝐍𝐍𝐘 𝐍𝐀𝐑𝐖𝐀𝐋 (@TheSunnyNarwal) April 11, 2025
