IPL 2024 Schedule Live | ఐపీఎల్‌- 17 షెడ్యూల్‌ విడుదల.. తొలి మ్యాచ్‌ ఆ జట్ల మధ్యే..

IPL 2024 Schedule Live | దేశంలో సార్వత్రిక ఎన్నికల నేపథ్యంలో 17వ సీజన్‌లో 17 రోజుల షెడ్యూల్‌ను మాత్రమే బీసీసీఐ ప్రకటించింది. మార్చి 22 నుంచి చెన్నై వేదికగా మొదలుకాబోయే ఈ క్యాష్‌ రిచ్‌ లీగ్‌లో తొలి మ్యాచ్‌..

IPL 2024 Schedule Live | ఇండియన్‌ ప్రీమియర్‌ లీగ్‌ -17వ సీజన్‌ హంగామా మొదలైంది. క్రికెట్‌ అభిమానుల ఎదురుచూపులతో పాటు ఉత్కంఠకూ తెరదించుతూ భారత క్రికెట్‌ నియంత్రణ మండలి (బీసీసీఐ) ఈ సీజన్‌ షెడ్యూల్‌ను విడుదల చేసింది. దేశంలో సార్వత్రిక ఎన్నికల నేపథ్యంలో 17వ సీజన్‌లో 17 రోజుల షెడ్యూల్‌ (21 మ్యాచ్‌లు) ను మాత్రమే బీసీసీఐ ప్రకటించింది. మార్చి 22 నుంచి చెన్నై వేదికగా మొదలుకాబోయే ఈ క్యాష్‌ రిచ్‌ లీగ్‌లో తొలి మ్యాచ్‌ డిఫెండింగ్‌ ఛాంపియన్‌ చెన్నై సూపర్‌ కింగ్స్‌.. ఇంతవరకూ ట్రోఫీ గెలవని జట్టు రాయల్‌ ఛాలెంజర్స్‌ బెంగళూరు  మధ్య జరుగనుంది. లోక్‌సభ ఎన్నికల షెడ్యూల్‌ అనంతరం ఐపీఎల్‌ – 17 సీజన్‌ ఫుల్‌ షెడ్యూల్‌ వచ్చే అవకాశముంది.

మార్చి 22న సీఎస్కే – ఆర్సీబీ మధ్య జరుగబోయే తొలి మ్యాచ్‌ తర్వాత శనివారం డబుల్‌ హెడర్‌ మొదలవనుంది. పంజాబ్‌ సూపర్‌ కింగ్స్‌.. ఢిల్లీ క్యాపిటల్స్‌, కోల్‌కతా నైట్‌ రైడర్స్‌ – సన్‌ రైజర్స్‌ హైదరాబాద్‌ లు తలపడతాయి. మార్చి 22 నుంచి ఏప్రిల్‌ 7 దాకా 17 రోజుల పాటు 21 మ్యాచ్‌లకు సంబంధించిన పూర్తి షెడ్యూల్‌ కింది విధంగా ఉంది.

 

🚨 𝗦𝗧𝗢𝗣 𝗧𝗛𝗘 𝗣𝗥𝗘𝗦𝗦 – TATA #IPL2024 Schedule is HERE! 🤩

Get ready for the thrill, excitement and fun to begin! Save this post so you don’t have to search for it again 🔍

It’s #CSKvRCB, @msdhoni 🆚 @imVkohli in the opener! Who’s your pick ? 👀#IPLSchedule #IPLonStar pic.twitter.com/oNLx116Uzi

— Star Sports (@StarSportsIndia) February 22, 2024

– మార్చి 22 : చెన్నై వర్సెస్‌ బెంగళూరు – చెన్నై
– మార్చి 23 : పంజాబ్‌ వర్సెస్‌ ఢిల్లీ – మొహాలీ
– మార్చి 23: కోల్‌కతా వర్సెస్‌ హైదరాబాద్ – కోల్‌కతా
– మార్చి 24 : రాజస్తాన్‌ వర్సెస్‌ లక్నో – జైపూర్‌
– మార్చి 24 : గుజరాత్‌ వర్సెస్‌ ముంబై – అహ్మదాబాద్‌
– మార్చి 25 : బెంగళూరు వర్సెస్‌ పంజాబ్‌ – బెంగళూరు
– మార్చి 26 : చెన్నై వర్సెస్‌ గుజరాత్‌ – చెన్నై
– మార్చి 27 : హైదరాబాద్‌ వర్సెస్‌ ముంబై – హైదరాబాద్‌
– మార్చి 28 : రాజస్తాన్‌ వర్సెస్‌ ఢిల్లీ – జైపూర్‌
– మార్చి 29 : బెంగళూరు వర్సెస్‌ కోల్‌కతా – బెంగళూరు
– మార్చి 30 : లక్నో వర్సెస్‌ పంజాబ్‌ – లక్నో
– మార్చి 31: గుజరాత్‌ వర్సెస్‌ హైదరాబాద్‌ – అహ్మదాబాద్‌
– మార్చి 31 : ఢిల్లీ వర్సెస్‌ చెన్నై – వైజాగ్‌
– ఏప్రిల్‌ 01 : ముంబై వర్సెస్‌ రాజస్తాన్‌ – ముంబై
– ఏప్రిల్‌ 02 : బెంగళూరు వర్సెస్‌ లక్నో – బెంగళూరు
– ఏప్రిల్‌ 03 : ఢిల్లీ వర్సెస్‌ కోల్‌కతా – వైజాగ్‌
– ఏప్రిల్‌ 04 : గుజరాత్‌ వర్సెస్‌ పంజాబ్‌ – అహ్మదాబాద్‌
– ఏప్రిల్‌ 05 : హైదరాబాద్‌ వర్సెస్‌ చెన్నై – హైదరాబాద్‌
– ఏప్రిల్‌ 06 : రాజస్తాన్‌ వర్సెస్‌ బెంగళూరు – జైపూర్‌
– ఏప్రిల్‌ 07 : ముంబై వర్సెస్‌ ఢిల్లీ – ముంబై
– ఏప్రిల్‌ 07 : లక్నో వర్సెస్‌ గుజరాత్‌ – లక్నో

ఢిల్లీకి హోంగ్రౌండ్‌గా వైజాగ్‌..

ఢిల్లీ క్యాపిటల్స్‌ తొలి రెండు మ్యాచ్‌లను తమ సొంత గ్రౌండ్‌ (అరుణ్‌ జైట్లీ స్టేడియం) లో కాకుండా వైజాగ్‌లో ఆడనున్నారు. మార్చి 23 నుంచి ఆ జట్టు.. ఐపీఎల్‌ – 17 ట్రోఫీ వేటను మొదలుపెట్టనుంది. తొలి మ్యాచ్‌లో క్యాపిటల్స్‌.. పంజాబ్‌తో మొహాలీ వేదికగా మ్యాచ్‌ ఆడనుంది. కానీ ఆ జట్టుకు హోంగ్రౌండ్‌ మాత్రం ఆంధ్రప్రదేశ్‌లో ఉన్న విశాఖపట్నమే కావడం గమనార్హం. ఢిల్లీ జట్టు వైజాగ్‌లో.. చెన్నై, కోల్‌కతాతో మ్యాచ్‌లు ఆడనుంది.