అసెంబ్లీ సమావేశాలు 18 రోజులు నిర్వహించాలి

అసెంబ్లీ సమావేశాలను ప్రభుత్వం నాలుగైదు రోజులు నిర్వహించి ముగించే ప్రయత్నం చేస్తున్నదని బీజేపీ శాసనపక్ష నేత ఏలేటి మహేశ్వర్‌రెడ్డి విమర్శించారు.

• బీజేపీ శాసనసభా పక్ష నేత మహేశ్వర్‌రెడ్డి

హైదరాబాద్‌, జూలై 23 (నమస్తే తెలంగాణ) : అసెంబ్లీ సమావేశాలను ప్రభుత్వం నాలుగైదు రోజులు నిర్వహించి ముగించే ప్రయత్నం చేస్తున్నదని బీజేపీ శాసనపక్ష నేత ఏలేటి మహేశ్వర్‌రెడ్డి విమర్శించారు. అసెంబ్లీ సమావేశాల సందర్భంగా మంగళవారం నిర్వహించిన బీఏసీ సమావేశం తర్వాత ఆయన మీడియా పాయింట్‌ వద్ద విలేకరులతో మాట్లాడారు.

అసెంబ్లీ సమావేశాలు కనీసం 18 రోజులైనా నిర్వహించాలని బీఏసీలో డిమాండ్‌ చేశామని తెలిపారు. ప్రజా సమస్యలు మొత్తం 18 అంశాలపై అసెంబ్లీలో చర్చ జరగాలని కోరినట్టు చెప్పారు. వ్యవసాయరంగం, సాగునీరు, ఉద్యోగాలు, నిరుద్యోగుల సమస్యలు, మహిళలకు ఇచ్చిన హామీలు, విద్యారంగం, పంచాయతీరాజ్‌, సంక్షేమం వంటి అంశాలపై చర్చ జరగాల్సి ఉన్నదని తెలిపారు. కేంద్ర బడ్జెట్‌ దేశ శ్రేయస్సును కోరేదిగా ఉన్నదని అభిప్రాయపడ్డారు.