డివోషనల్‌ థ్రిల్లర్‌ శివం భజే

అశ్విన్‌ హీరోగా నటిస్తున్న డివైన్‌ సస్పెన్స్‌ థ్రిల్లర్‌ ‘శివం భజే’. అప్సర్‌ దర్శకత్వం వహిస్తున్న ఈ చిత్రాన్ని మహేశ్వర్‌ రెడ్డి నిర్మిస్తున్నారు. ఆగస్ట్‌ 1న విడుదలకానుంది.

అశ్విన్‌ హీరోగా నటిస్తున్న డివైన్‌ సస్పెన్స్‌ థ్రిల్లర్‌ ‘శివం భజే’. అప్సర్‌ దర్శకత్వం వహిస్తున్న ఈ చిత్రాన్ని మహేశ్వర్‌ రెడ్డి నిర్మిస్తున్నారు. ఆగస్ట్‌ 1న విడుదలకానుంది. మంగళవారం ట్రైలర్‌ను యువ హీరో విశ్వక్‌సేన్‌ విడుదల చేశారు. ఇంటర్నేషనల్‌ క్రైమ్‌ ఎలిమెంట్స్‌, మర్డర్‌ మిస్టరీతో పాటు శివుడి నేపథ్యంలో వచ్చే డివోషనల్‌ అంశాలతో ట్రైలర్‌ ఆద్యంతం ఆసక్తికరంగా సాగింది.

తెలుగు తెరపై ఇప్పటివరకు రానటువంటి విభిన్న కథాంశమిదని, అత్యున్నత సాంకేతిక విలువలతో తెరకెక్కించామని, ప్రేక్షకులకు ఆద్యంతం థ్రిల్‌ని పంచడంతో పాటు సరికొత్త విజువల్‌ ఎక్స్‌పీరియన్స్‌ అందిస్తుందని నిర్మాత తెలిపారు. ఈ చిత్రానికి కెమెరా: దాశరథి శివేంద్ర, సంగీతం: వికాస్‌ బడిస, ప్రొడక్షన్‌ డిజైనర్‌: సాహి సురేష్‌, దర్శకత్వం: అప్సర్‌.