Indonesian Open : ఇండోనేషియా ఓపెన్ సూపర్ 1000 బ్యాడ్మింటన్ టోర్నీలో అయినా పతకం గెలవాలనుకున్న తెలుగు తేజం పీవీ సింధు(PV Sindhu)కు షాక్ తగిలింది. రెండో రౌండ్లోనే ఆమె ఇంటిదారి పట్టింది. వరల్డ్ నంబర్ 3 థాయ్ జూ యింగ్(Tai Tzu Ying, చైనీస్ తైపీ) చేతిలో సింధు ఓటమిపాలైంది. థాయ్18-21, 16-21తో జూ వరుస సెట్లలో విజయం సాధించింది. సింధుపై ఆమెకు ఇది వరుసగా తొమ్మిదో విజయం.
మ్యాచ్ ఆరంభం నుంచే సింధు తడబడింది. థాయ్ జూ యింగ్ స్ట్రాటజిక్ పాయింట్లతో దూకుడు కనబరిచి వరుసగా నాలుగు పాయింట్లు సాధించింది. ఆ తర్వాత పుంజుకున్న సింధు రెండు పాయింట్లు తెచ్చుకుంది. అయితే.. సింధుపై మెరుగైన రికార్డు ఉన్న ఈ చైనీస్తైపీ క్రీడాకారిణి ఆద్యంతం ఆధిపత్యం చెలాయించింది. ఆమె జోరు ముందు భారత షట్లర్ నిలవలేకపోయింది. ఎంతో ప్రయత్నించినా ఒక్క సెట్ కూడా గెలవలేకపోయింది. ఈ ఏడాది ఒలింపిక్ విజేత సింధుకు ఏమాత్రం కలిసి రావడం లేదు. ఇప్పటివరకు ఆడిన తొమ్మిది టోర్నమెంట్లలో కేవలం ఏడింటిలోనే ఆమె రెండో రౌండ్ దాటింది. మలేషియా మాస్టర్స్(Malasia Master), థాయ్లాండ్ ఓపెన్(Thailand Open) టోర్నీల్లోనే సింధు అభిమానులను నిరాశపరిచింది.