గిల్‌ @ 2.. ఐసీసీ వన్డే ర్యాంకింగ్స్‌

భారత కెప్టెన్‌ శుభ్‌మన్‌ గిల్‌..వన్డే ర్యాంకింగ్స్‌లో సత్తాచాటాడు. బుధవారం విడుదలైన తాజా జాబితాలో గిల్‌ 791పాయింట్లతో రెండో ర్యాంక్‌లోకి దూసుకొచ్చాడు.

దుబాయ్‌: భారత కెప్టెన్‌ శుభ్‌మన్‌ గిల్‌..వన్డే ర్యాంకింగ్స్‌లో సత్తాచాటాడు. బుధవారం విడుదలైన తాజా జాబితాలో గిల్‌ 791పాయింట్లతో రెండో ర్యాంక్‌లోకి దూసుకొచ్చాడు. ఇటీవల అఫ్గానిస్థాన్‌తో వన్డే సిరీస్‌లో గిల్‌ 84, 154 పరుగులతో విజృంభించి తన ర్యాంక్‌ మెరుగుపర్చుకున్నాడు.

టాప్‌ ర్యాంక్‌లో ఉన్న న్యూజిలాండ్‌ బ్యాటర్‌ డారిల్‌ మిచెల్‌(815)కు గిల్‌కు మధ్య 24 రేటింగ్‌ పాయింట్ల తేడా ఉంది. విరాట్‌ కోహ్లీ(768), రోహిత్‌శర్మ(754) వరుసగా మూడు, నాలుగు ర్యాంక్‌ల్లో ఉన్నారు. మరోవైపు టెస్టు బౌలింగ్‌ ర్యాంకింగ్స్‌లో భారత స్టార్‌ పేసర్‌ జస్‌ప్రీత్‌ బుమ్రా, కివీస్‌ పేసర్‌ మ్యాట్‌ హెన్రీ(870) సంయుక్తంగా టాప్‌ ర్యాంక్‌లో కొనసాగుతున్నారు.