U-19 Asia Cup: ఆర్యావీర్ సెహ్వాగ్, ల‌క్ష్య రాయిచందానీ హాఫ్ సెంచ‌రీలు.. ఆసియా అండ‌ర్‌-19లో భార‌త్ బోణీ

U-19 Asia Cup: అండ‌ర్‌-19 ఆసియాక‌ప్‌లో ఇండియా బోణీ కొట్టింది. ఇవాళ ఒమ‌న్‌లోని మ‌స్క‌ట్‌లో నేపాల్‌తో జ‌రిగిన మ్యాచ్‌లో భార‌త్ జ‌ట్టు 10 వికెట్ తేడాతో విజ‌యం సాధించింది. 129 ప‌రుగుల ల‌క్ష్యాన్ని కేవ‌లం 19.1 ఓవ‌ర్ల‌లో అందుకున్న‌ది.

మ‌స్క‌ట్‌: అండ‌ర్‌-19 ఆసియాక‌ప్‌(U-19 Asia Cup)లో ఇండియా బోణీ కొట్టింది. ఇవాళ ఒమ‌న్‌లోని మ‌స్క‌ట్‌లో నేపాల్‌తో జ‌రిగిన మ్యాచ్‌లో భార‌త్ జ‌ట్టు 10 వికెట్ తేడాతో విజ‌యం సాధించింది. 129 ప‌రుగుల ల‌క్ష్యాన్ని కేవ‌లం 19.1 ఓవ‌ర్ల‌లో అందుకున్న‌ది. ఓపెన‌ర్లు ఆర్య‌వీర్ సెహ్వాగ్ చెల‌రేగి ఆడాడు. వీరేంద్ర సెహ్వాగ్ త‌న‌యుడైన ఆర్య‌వీర్‌.. కేవ‌లం 52 బంతుల్లో 70 ర‌న్స్ స్కోరు చేశాడు. అత‌ని ఇన్నింగ్స్‌లో ఏడు బౌండ‌రీలు, నాలుగు సిక్స‌ర్లు ఉన్నాయి. ఇక మ‌రో ఓపెన‌ర్ ల‌క్ష్య రాయిచెందాని 63 బంతుల్లో 53 ర‌న్స్ చేసి జ‌ట్టుకు విజ‌యాన్ని అందించారు. ఈ విక్ట‌రీతో ఇండియా త‌న పాయింట్ల ప‌ట్టిక‌లో ఖాతా తెరిచింది. అయితే ఫ‌స్ట్ బ్యాటింగ్ చేసిన నేపాల్ 42.3 ఓవ‌ర్ల‌లో కేవ‌లం 138 ర‌న్స్ మాత్ర‌మే స్కోరు చేసి ఆలౌటైంది.నేపాల్ జ‌ట్టులో ద‌ర్శ్ సోనార్ అత్య‌ధికంగా 43 ర‌న్స్ చేశాడు. భార‌త బౌల‌ర్ల‌లో అర్జుత్ రాజ్‌పుత్‌, ఇషాన్ సూద్‌లు చెరి మూడేసి వికెట్లు తీసుకున్నారు.