లంకతో సిరీస్‌కు వేదికలు ఖరారు

ప్రస్తుతం జింబాబ్వే పర్యటనలో టీ20లు ఆడుతున్న టీమ్‌ఇండియా అవి ముగిశాక ఈ నెలాఖరున శ్రీలంక టూర్‌కు వెళ్లనుంది.

• పల్లెకెలెలో టీ20లు, కొలంబోలో వన్డే సిరీస్‌

ఢిల్లీ: ప్రస్తుతం జింబాబ్వే పర్యటనలో టీ20లు ఆడుతున్న టీమ్‌ఇండియా అవి ముగిశాక ఈ నెలాఖరున శ్రీలంక టూర్‌కు వెళ్లనుంది. ఈ మేరకు శ్రీలంక క్రికెట్‌ బోర్డు (ఎస్‌ఎల్‌సీ) మ్యాచ్‌లు జరిగే వేదికలను గురువారం ఖరారు చేసింది. ఈ పర్యటనలో భాగంగా భారత్‌.. ఆతిథ్య జట్టుతో జూలై 26, 27, 29 మధ్య పల్లెకెలె అంతర్జాతీయ స్టేడియంలో మూడు మ్యాచ్‌ల టీ20 సిరీస్‌ ఆడనుంది. కొలంబోలోని ఆర్‌ ప్రేమదాస స్టేడియం వేదికగా ఆగస్టు 1, 4, 7 తేదీలలో వన్డేలు ఆడాల్సి ఉంది. ప్రధాన ఆటగాళ్లకు రెస్ట్‌ ఇచ్చే యోచనలో ఉన్న భారత్‌.. ఈ టూర్‌లోనూ యువ ఆటగాళ్లతోనే బరిలోకి దిగే అవకాశాలున్నాయి. ఇక భారత హెడ్‌కోచ్‌గా గౌతం గంభీర్‌కు ఇదే తొలి పరీక్ష కానుంది.

హసరంగ రాజీనామా

టీ20 ప్రపంచకప్‌లో శ్రీలంక వైఫల్య ప్రదర్శనతో ఈ మెగాటోర్నీలో ఆ జట్టును నడిపించిన వనిందు హసరంగ సారథ్య బాధ్యతల నుంచి తప్పుకున్నాడు. వరల్డ్‌కప్‌ ఓటమి అనంతరం ఆ జట్టు హెడ్‌కోచ్‌ క్రిస్‌ సిల్వర్‌వుడ్‌ సైతం రాజీనామా చేయగా తాజాగా హసరంగ సైతం తప్పుకోవడం గమనార్హం.