ICC Player Of The Month : భారత యంగ్ ఓపెనర్ శుభ్మన్ గిల్, ఫాస్ట్ బౌలర్ మహమ్మద్ సిరాజ్ ఐసీసీ ప్లేయర్ ఆఫ్ ది మంత్ అవార్డు రేసులో నిలిచారు. జనవరి నెలకు గానూ టీమిండియా నుంచి వీళ్లిద్దరూ నామినేట్ అయ్యారు. న్యూజిలాండ్ ఓపెనర్ డెవాన్ కాన్వే కూడా పోటీలో ఉన్నాడు. జనవరిలో 11 వన్డేలు ఆడిన శుభ్మన్ 643 రన్స్ చేశాడు. శ్రీలంక, న్యూజిలాండ్ సిరీస్లో శుభ్మన్ గిల్ ఆకాశమే హద్దుగా చెలరేగాడు. శ్రీలంకపై మూడో వన్డేలో సుడిగాలి ఇన్నింగ్స్ ఆడిన అతను కెరీర్లో తొలి డబుల్ సెంచరీ కొట్టాడు. అంతేకాదు కివీస్పై ఆఖరి టీ20లో సెంచరీ బాదాడు. దాంతో, మూడు ఫార్మాట్లలో శతకం చేసిన అతిచిన్న వయస్కుడైన(23) భారత క్రికెటర్గా శుభ్మన్ రికార్డు సాధించాడు.
14 వికెట్లతో..
వన్డేల్లో నంబర్ వన్ ర్యాంకు బౌలర్ సిరాజ్ ఐసీసీ ప్లేయర్ ఆఫ్ ది మంత్ రేసులో ఉన్నాడు. జనవరిలో అతను 14 వికెట్లు తీశాడు. శ్రీలంక, న్యూజిలాండ్ సిరీస్లో అతను కీలక వికెట్లు పడగొట్టాడు. రెండు సార్లు నాలుగు వికెట్లు తీశాడు. జనవరిలో 9 మ్యాచులు ఆడిన కాన్వే 493 రన్స్ చేశాడు. వీటిలో ఒక సెంచరీ కూడా ఉంది.