ICC T20I Team Of The Year 2023: మిస్టర్‌ 360కి అరుదైన గౌరవం.. గతేడాది బెస్ట్‌ టీమ్‌లో నలుగురు భారతీయులే..

ICC T20I Team Of The Year 2023: గతేడాది టీ20 ఫార్మాట్‌లో అత్యుత్తమ ప్రదర్శన కనబరిచిన ఆటగాళ్లను ఎంచి ప్రకటించిన ఐసీసీ టీ20 టీమ్‌ ఆఫ్‌ ది ఈయర్‌లో నలుగురు భారత ఆటగాళ్లే ఉండగా ఈ జట్టుకు సూర్యకుమార్‌ యాదవ్‌ను సారథిగా ఎంపిక చేసింది.

ICC T20I Team Of The Year 2023: భారత క్రికెట్‌ జట్టు టాప్‌ బ్యాటర్‌ సూర్యకుమార్‌ యాదవ్‌కు అరుదైన గౌరవం దక్కింది. గతేడాది టీ20 ఫార్మాట్‌లో అత్యుత్తమ ప్రదర్శన కనబరిచిన ఆటగాళ్లను ఎంచి ప్రకటించిన ఐసీసీ టీ20 టీమ్‌ ఆఫ్‌ ది ఈయర్‌లో నలుగురు భారత ఆటగాళ్లే ఉండగా ఈ జట్టుకు సూర్యకుమార్‌ యాదవ్‌ను సారథిగా ఎంపిక చేసింది. సూర్యతో పాటు యశస్వి జైస్వాల్‌, రవి బిష్ణోయ్‌, అర్ష్‌దీప్‌ సింగ్‌లు చోటు దక్కించుకోవడం గమనార్హం.

సోమవారం కొద్దిసేపటిక్రితమే ప్రకటించిన ఈ జట్టులో ఓపెనర్లుగా యశస్వి జైస్వాల్‌, ఫిల్‌ సాల్ట్‌ (ఇంగ్లండ్‌)ను ఓపెనర్లుగా ఎంపికచేసింది. వన్‌డౌన్‌లో విండీస్‌ వికెట్‌ కీపర్‌ బ్యాటర్‌ నికోలస్‌ పూరన్‌ ఉండగా నాలుగో స్థానంలో సూర్యకుమార్‌ యాదవ్‌ ఉన్నాడు. ఆ తర్వాత మార్క్‌ చాప్‌మన్‌ (న్యూజిలాండ్‌), సికందర్‌ రజా (జింబాబ్వే), అల్పేష్‌ రంజానీ (ఉగాండా), మార్క్‌ అడైర్‌ (ఐర్లాండ్‌), రవి బిష్ణోయ్‌ (ఇండియా), రిచర్డ్‌ ఎంగర్వ (జింబాబ్వే), అర్ష్‌దీప్‌ సింగ్‌ (ఇండియా)లు జాబితాలో ఉన్నారు.

యశస్వి జైస్వాల్‌ గతేడాదే భారత జట్టులోకి వచ్చినా టీ20లలో తనదైన మెరుపు ఆటతో ఐసీసీ టీమ్‌ ఆఫ్‌ ది ఈయర్‌లో చోటు దక్కించుకోవడం గమనార్హం. ఇక పొట్టి క్రికెట్‌ అంటేనే పూనకం అచ్చినట్టుగా ఆడే సూర్య.. గతేడాది హార్ధిక్‌ పాండ్యా గైర్హాజరీలో ఆస్ట్రేలియా సిరీస్‌లో సారథిగానూ నడిపించాడు. బిష్ణోయ్‌ స్పిన్నర్‌గా అంచనాలకు మించి రాణిస్తుండగా యువ పేసర్‌ అర్ష్‌దీప్‌ సింగ్‌.. ఈ ఫార్మాట్‌లో అవకాశం వచ్చినప్పుడల్లా రాణిస్తున్నాడు.

 

India’s white-ball dynamo headlines the ICC Men’s T20I Team of the Year for 2023 🔥

Check out who made the final XI 👇https://t.co/QrQKGYbmu9

— ICC (@ICC) January 22, 2024

ఐసీసీ టీ20 టీమ్‌ ఆఫ్‌ ది ఈయర్‌ 2023: యశస్వి జైస్వాల్‌, ఫిల్‌ సాల్ట్‌, నికోలస్‌ పూరన్‌ (వికెట్‌ కీపర్‌), సూర్యకుమార్‌ యాదవ్‌ (కెప్టెన్‌), మార్క్‌ చాప్‌మన్‌, సికందర్‌ రజా, అల్పేష్‌ రంజానీ, మార్క్‌ అడైర్‌, రవి బిష్ణోయ్‌, రిచర్డ్‌ ఎంగర్వ, అర్ష్‌దీప్‌ సింగ్‌