తనయ్‌, తన్మయ్‌ తడాఖా

ప్రతిష్ఠాత్మక దేశవాళీ టోర్నీ రంజీ ట్రోఫీలో హైదరాబాద్‌ జోరు కొనసాగుతున్నది. సిక్కింతో జరుగుతున్న మ్యాచ్‌లో హైదరాబాద్‌ సంపూర్ణ ఆధిపత్యం కనబర్చింది. తొలుత సిక్కిం తొలి ఇన్నింగ్స్‌లో 79 పరుగులకే ఆలౌటైంది.

హైదరాబాద్‌, ఆటప్రతినిధి: ప్రతిష్ఠాత్మక దేశవాళీ టోర్నీ రంజీ ట్రోఫీలో హైదరాబాద్‌ జోరు కొనసాగుతున్నది. సిక్కింతో జరుగుతున్న మ్యాచ్‌లో హైదరాబాద్‌ సంపూర్ణ ఆధిపత్యం కనబర్చింది. తొలుత సిక్కిం తొలి ఇన్నింగ్స్‌లో 79 పరుగులకే ఆలౌటైంది. మన బౌలర్లలో తనయ్‌ త్యాగరాజన్‌ 6 వికెట్లతో అదరగొట్టగా.. సీవీ మిలింద్‌ 4 వికెట్లు ఖాతాలో వేసుకున్నాడు. అనంతరం తొలి ఇన్నింగ్స్‌ ప్రారంభించిన హైదరాబాద్‌.. 3 వికెట్లు కోల్పోయి 381 పరుగులు చేసింది. ఓపెనర్‌ తన్మయ్‌ అగర్వాల్‌ (137; 11 ఫోర్లు, 5 సిక్సర్లు) సెంచరీతో కదంతొక్కగా.. కెప్టెన్‌ తిలక్‌ వర్మ (70 బ్యాటింగ్‌), రోహిత్‌ రాయుడు (75), రాహుల్‌ సింగ్‌ (83) హాఫ్‌సెంచరీలు చేశారు.