లక్ష్యం 259.. ప్రస్తుతం 13/2

సొంతగడ్డపై జరుగుతున్న రంజీ మ్యాచ్‌లో హైదరాబాద్‌ను మరో విజయం ఊరిస్తున్నది. రంజీ ఎలైట్‌ గ్రూప్‌-బీ మ్యాచ్‌లో ఛత్తీస్‌గఢ్‌.. ఆతిథ్య జట్టు ఎదుట 259 పరుగుల లక్ష్యాన్ని నిలిపింది. బంతి ఆధిపత్యం చెలాయిస్తున్న పోరులో మూడో రోజు ఆట ముగిసే సమయానికి హైదరాబాద్‌ 5 ఓవర్లకే రెండు వికెట్లు కోల్పోయి 13 రన్స్‌ చేసింది. ఆ జట్టు విజయానికి 246 రన్స్‌ కావాలి. అభిరాథ్‌ రెడ్డి (8 బ్యాటింగ్‌), రాధేశ్‌ (3 బ్యాటింగ్‌) క్రీజులో ఉన్నారు.

• హైదరాబాద్‌ను ఊరిస్తున్న గెలుపు
• ఛత్తీస్‌గఢ్‌తో రసవత్తరంగా రంజీ పోరు

హైదరాబాద్‌, ఆట ప్రతినిధి: సొంతగడ్డపై జరుగుతున్న రంజీ మ్యాచ్‌లో హైదరాబాద్‌ను మరో విజయం ఊరిస్తున్నది. రంజీ ఎలైట్‌ గ్రూప్‌-బీ మ్యాచ్‌లో ఛత్తీస్‌గఢ్‌.. ఆతిథ్య జట్టు ఎదుట 259 పరుగుల లక్ష్యాన్ని నిలిపింది. బంతి ఆధిపత్యం చెలాయిస్తున్న పోరులో మూడో రోజు ఆట ముగిసే సమయానికి హైదరాబాద్‌ 5 ఓవర్లకే రెండు వికెట్లు కోల్పోయి 13 రన్స్‌ చేసింది. ఆ జట్టు విజయానికి 246 రన్స్‌ కావాలి. అభిరాథ్‌ రెడ్డి (8 బ్యాటింగ్‌), రాధేశ్‌ (3 బ్యాటింగ్‌) క్రీజులో ఉన్నారు.

మూడో రోజు 275/9 ఓవర్‌నైట్‌ స్కోరుతో ఆట మొదలెట్టిన హైదరాబాద్‌ 280 రన్స్‌కే ఆలౌటై ప్రత్యర్థికి 4 పరుగుల తొలి ఇన్నింగ్స్‌ ఆధిక్యాన్ని సమర్పించుకుంది. రెండో ఇన్నింగ్స్‌లో ఛత్తీస్‌గఢ్‌.. రక్షణ్‌ రెడ్డి (3/45), అనికేత్‌ రెడ్డి (3/68), రుతిక్‌ యాదవ్‌ (2/35) విజృంభించడంతో 254 రన్స్‌కే పరిమితమైంది. మయాంక్‌ వర్మ (81), సంజీత్‌ దేశాయ్‌ (51) అర్ధ శతకాలతో ఆదుకోగా ఆఖర్లో ధర్మేంద్రసిన్హ్‌ (38) విలువైన పరుగులు చేశాడు.