HS Prannoy : భారత స్టార్ షట్లర్ హెచ్ఎస్ ప్రణయ్(HS Prannoy) ఫామ్ కొనసాగిస్తున్నాడు. ఈమధ్యే మలేసియా మాస్టర్స్ సూపర్ 500( Malaysia Masters super 500) టైటిల్ గెలిచిన అతను తైపీ ఓపెన్(Taipei Open) క్వార్టర్ ఫైనల్కు దూసుకెళ్లాడు. 2014 వరల్డ్ చాంపియన్షిప్లో కాంస్య పతకం నెగ్గిన టామీ సుగియర్టో(Tommy Sugiarto)పై 21-9, 21-17తో గెలుపొందాడు. మొదటి సెట్లో ఇండోనేషియా ప్రత్యర్థి నుంచి పెద్దగా ప్రతిఘటన ఎదురవ్వలేదు.
కానీ, రెండో గేమ్లో భారత షట్లర్ 4-0తో వెనకబడ్డాడు. అలాగని ఒత్తిడికి లోనవ్వలేదు. అనూహ్యంగా పుంజుకకుని 21-17తో సెట్ గెలుచుకున్నాడు. కేవలం 36 నిమిషాల్లోనే మ్యాచ్ ముగించాడు. సెమీస్ పోరులో అతను ఐదోసీడ్ హాంకాంగ్కు చెందిన అంగుస్ కా లాంగ్(Angus Ng Ka Long)ను ఢీ కొట్టనున్నాడు.
మరో భారత ఆటగాడు పారుపల్లి కశ్యప్(Parupalli Kashyap) ఓటమితో నిష్క్రమించాడు. సూ లీ యాంగ్(Su Li Yang) 16-21, 17-21తో అతడిపై గెలుపొందాడు. దాంతో, ఈ టోర్నీలో భారత్ నుంచి ప్రణయ్ ఒక్కడే మిగిలాడు. ఈ ఏడాది జోరు మీదున్న ప్రణయ్ ఇండోనేషియా ఓపెన్లోనూ సత్తా చాటాడు. సెమీఫైనల్ వరకు వెళ్లాడు. కానీ, వరల్డ్ నంబర్ 1 విక్టర్ అక్సెల్సెన్ చేతిలో ఓటమిపాలయ్యాడు. దాంతో, 7వ ర్యాంక్ నుంచి 9వ ర్యాంక్కు పడిపోయాడు.