Visit:
IPL 2025 : ఐపీఎల్ 18వ సీజ‌న్‌లో చెల‌రేగి ఆడుతున్న స‌న్‌రైజ‌ర్స్ ఓపెన‌ర్ ట్రావిస్ హెడ్(Travis Head) రికార్డు నెల‌కొల్పాడు. ఈ ఎడిష‌న్‌లో అత్యంత వేగంగా వెయ్యి ప‌రుగులు పూర్తి చేసుకున్నాడు. రెండో బ్యాట‌ర్‌గా రికార్డు సృష్టించాడు. బంతులు తీసుకున్నాడంతే. 575 బంతుల్లో వెయ్యి క్లబ్‌లో చేరాడీ చిచ్చ‌ర‌పిడుగు. గురువారం ముంబై ఇండియ‌న్స్‌(Mumbai Indians)తో జ‌రిగిన మ్యాచ్‌లో 27 ప‌రుగుల చేసిన హెడ్.. థౌజండ్‌వాలా అనిపించుకున్నాడు.
ఐపీఎల్ చ‌రిత్ర‌లో తక్కువ బంతుల్లోనే వెయ్యి ర‌న్స్ చేసిన ఆట‌గాళ్లు ఐదుగురు ఉన్నారు. ఈ జాబితాలో క‌రీబియ‌న్ క్రికెట‌ర్ ఆండ్రూ ర‌స్సెల్(Andrew Russel) అగ్ర‌స్థానంలో కొన‌సాగుతున్నాడు. కోల్‌క‌తా నైట్ రైడ‌ర్స్‌కు ఆడుతున్న ఈ డేంజ‌ర‌స్ బ్యాట‌ర్ కేవ‌లం 545 బంతుల్లో ఈ మైలురాయికి చేరుకున్నాడు.
Travis Head the second-fastest batter to score 1000 IPL runs in terms of balls faced 🙌#IPL2025 #IPL #TravisHead #SRH pic.twitter.com/ESJ60Ou16z
— Circle of Cricket (@circleofcricket) April 17, 2025
హెడ్ రెండో స్థానంలో ఉండ‌గా.. హెన్రిచ్ క్లాసెన్, వీరేంద్ర సెహ్వాగ్, గ్లెన్ మ్యాక్స్‌వెల్.. వ‌రుస‌గా 3, 4, 5 స్థానాల్లో ఉన్నారు. స‌న్‌రైజ‌ర్స్ త‌ర‌ఫున విధ్వంస‌క ఇన్నింగ్స్‌లు ఆడుతున్న క్లాసెన్ 594 బంతుల్లో 1,000 ర‌న్స్ కొట్టాడు. మాజీ ఓపెన‌ర్ వీరూ 604 బంతులు తీసుకున్నాడు. మ్యాక్సీ 610 బంతుల్లో వెయ్యి ప‌రుగులు సాధించాడు.
