Harmanpreet Kaur | బిగ్‌బాష్ లీగ్‌లో భార‌త కెప్టెన్ రీ-ఎంట్రీ.. ఏ జ‌ట్టు త‌ర‌ఫున ఆడ‌నుందంటే..?

Harmanpreet Kaur : భార‌త మ‌హిళ‌ల జ‌ట్టు కెప్టెన్ హ‌ర్మ‌న్‌ప్రీత్ కౌర్‌(Harmanpreet Kaur) మ‌ళ్లీ అభిమానుల‌ను అల‌రించేందుకు సిద్ధ‌మ‌వుతోంది. ఈ స్టార్ బ్యాట‌ర్ త్వ‌ర‌లోనే మ‌హిళ‌ల‌ బిగ్‌బాష్ లీగ్‌(Women's Big Bash League)లో క‌నిపించ‌నుంది. ఈ ఏడాది హ‌ర్మ‌న్‌ప్రీత్ మ‌ళ్లీ...

September 3, 2023 / 05:31 PM IST

Harmanpreet Kaur | బిగ్‌బాష్ లీగ్‌లో భార‌త కెప్టెన్ రీ-ఎంట్రీ.. ఏ జ‌ట్టు త‌ర‌ఫున ఆడ‌నుందంటే..?

Harmanpreet Kaur : భార‌త మ‌హిళ‌ల జ‌ట్టు కెప్టెన్ హ‌ర్మ‌న్‌ప్రీత్ కౌర్‌(Harmanpreet Kaur) మ‌ళ్లీ అభిమానుల‌ను అల‌రించేందుకు సిద్ధ‌మ‌వుతోంది. ఈ స్టార్ బ్యాట‌ర్ త్వ‌ర‌లోనే మ‌హిళ‌ల‌ బిగ్‌బాష్ లీగ్‌(Women’s Big Bash League)లో క‌నిపించ‌నుంది. ఈ ఏడాది హ‌ర్మ‌న్‌ప్రీత్ మ‌ళ్లీ మెల్‌బోర్న్ రెనెగేడ్స్‌(Melbourne Renegades) త‌ర‌ఫున బ‌రిలోకి దిగినుంది. ఈ విష‌యాన్ని రెనెగేడ్స్ యాజ‌మాన్యం ఈరోజు సోష‌ల్‌మీడియా వేదిక‌గా వెల్ల‌డించింది. వెన్నెముక‌ గాయం కార‌ణంగా నిరుడు టోర్నీ నుంచి త‌ప్పుకున్న ఆమె ఈసారి స‌త్తా చాటాల‌నే ప‌ట్టుద‌ల‌తో ఉంది.

మ‌హిళ‌ల‌ బిగ్‌బాష్ లీగ్‌లో హ‌ర్మ‌న్‌ప్రీత్ త‌న విధ్వంస‌క బ్యాటింగ్‌తో అద‌ర‌గొట్టింది. 2020-21 సీజ‌న్‌లో ప‌రుగుల వ‌ర‌ద పారించిన ఆమె టాప్ స్కోర‌ర్‌గా నిలిచింది. ఆ టోర్నీలో రెనెగేడ్స్ త‌ర‌ఫున 406 ప‌రుగులు సాధించింది. అత్య‌ధిక స్కోర్ 81. అంతేకాదు బౌలింగ్‌లోనూ స‌త్తా చాటిన హ‌ర్మ‌న్‌ప్రీత్ 7.45 ఎకాన‌మీతో 15 వికెట్లు ప‌డ‌గొట్టింది.

RED RED RED ❤️ https://t.co/H3z0Ly2pwK

— Harmanpreet Kaur (@ImHarmanpreet) September 3, 2023

మూడు హాఫ్ సెంచ‌రీల‌తో..

పొట్టి క్రికెట్‌లో భార‌త కెప్టెన్‌కు తిరుగులేని రికార్డు ఉంది. టీ20 కెరీర్‌లో.. 248 మ్యాచ్‌లు ఆడిన హ‌ర్మ‌న్‌ప్రీత్ 5,494 ప‌రుగులు చేసింది. బంతితోనూ రాణించి 59 వికెట్లు తీసింది. బీసీసీఐ తొలిసారి నిర్వ‌హించిన మ‌హిళ‌ల ప్రీమియ‌ర్ లీగ్‌(WPL)లోనూ ఈ స్టార్ బ్యాట‌ర్ దుమ్ము రేపింది. మూడు హాఫ్ సెంచ‌రీల‌తో విరుచుకుప‌డింది. 10 మ్యాచుల్లో 281 ర‌న్స్ బాద‌డ‌మే కాకుండా ముంబై ఇండియ‌న్స్(Mumbai Indians) జ‌ట్టును చాంపియ‌న్‌గా నిలిపింది.

హ‌ర్మ‌న్‌ప్రీత్ కౌర్‌

బంగ్లాదేశ్‌తో వ‌న్డే సిరీస్‌లో దురుసుగా ప్ర‌వ‌ర్తించినందుకు హ‌ర్మ‌న్‌ప్రీత్ భారీ మూల్యం చెల్లించింది. వ‌ర్షం కార‌ణంగా ర‌ద్దు అయిన మూడో వ‌న్డేలో ఆమె తీరును త‌ప్పుప‌ట్టిన‌ ఐసీసీ మ్యాచ్ ఫీజులో జ‌రిమానాతో పాటు రెండు మ్యాచ్‌ల నిషేధం విధించింది. అంతేకాదునాలుగు డీ మెరిట్ పాయింట్లు కేటాయించింది. దాంతో, భార‌త కెప్టెన్ ఆసియా గేమ్స్‌(Asiam Games 2023)లో తొలి రెండు మ్యాచ్‌ల‌కు దూరం కానుంది.