ఫస్ట్‌క్లాస్ క్రికెట్‌లో కొత్త చరిత్ర.. 21వ శతాబ్దిలో 400 కొట్టిన తొలి బ్యాటర్

ఇంగ్లండ్ వేదికగా జరుగుతున్న కౌంటీ ఛాంపియన్షిప్‌లో గ్లోమోర్గాన్ బ్యాటర్ సామ్ నార్త్‌ఈస్ట్ కొత్త చరిత్రను సృష్టించాడు. ఫస్ట్‌క్లాస్ క్రికెట్‌లో 400 పరుగుల (410 నాటౌట్) మార్క్‌ను దాటి అరుదైన ఘనత సాధించాడు. దీంతో 21వ శతాబ్దంలో ఫస్ట్‌క్లాస్ క్రికెట్‌లో 400 ప్లస్ స్కోరు చేసిన తొలి బ్యాటర్‌గా అతడు రికార్డు పుటల్లోకెక్కాడు. నార్త్‌ఈస్ట్ ఈ ఘనతతో ప్రపంచ దిగ్గజ బ్యాటర్ బ్రియాన్ లారా సరసన నిలిచాడు.

లీస్టర్‌షైర్‌తో మ్యాచ్‌లో భాగంగా శనివారం నార్త్‌ఈస్ట్‌ ఈ రికార్డు సాధించాడు. 450 బంతులు ఎదుర్కున్న అతడు.. ఏకంగా 45 ఫోర్లు, 3 సిక్సర్ల సాయంతో 410 పరుగులు చేసి నాటౌట్‌గా నిలిచాడు. అతడికి తోడుగా జి.కూక్ కూడా 227 బంతుల్లో 191* రాణించాడు. దీంతో గ్లోమోర్గాన్ తొలి ఇన్నింగ్స్‌ను 5 వికెట్లు కోల్పోయి 795 పరుగుల వద్ద డిక్లేర్ చేసింది.

క్వాడ్రబుల్ సెంచరీ చేయడంతో నార్త్‌ఈస్ట్ పలు ఘనతలు అందుకున్నాడు. ఫస్ట్‌క్లాస్ క్రికెట్‌లో 400 ప్లస్ స్కోరు సాధించినవారిలో అతడు 11వ బ్యాటర్. గతంలో బ్రియాన్ లారా వార్విక్‌షైర్ తరఫున ఆడుతూ డర్హమ్‌పై 501* చేశాడు. 1994లో లారా ఈ ఘనత అందుకున్నాడు. ఆ తర్వాత అతడు 2004లో ఇంగ్లండ్‌పై 400* పరుగులు చేసిన విషయం తెలిసిందే.

లారా చేసిన 400 పరుగులు అంతర్జాతీయ క్రికెట్‌లో చేసినవి. కానీ ఫస్ట్ క్లాస్ క్రికెట్‌లో మాత్రం 21వ శతాబ్దంలో 400 పరుగులు చేసిన బ్యాటర్ లేడు.

ఒక ఇన్నింగ్స్ లో 400, ఆపై స్కోరు చేసిన బ్యాటర్లు:

– బ్రియాన్ లారా (501*) – 1994
– హనీఫ్ మహ్మద్ (499)- 1959
– డాన్ బ్రాడ్మన్ (452*) – 1930
– బి. నింబాల్కర్ (443*) – 1948 (ఇండియా)
– బిన్ పోన్స్ఫర్డ్ (437) – 1927
– బిన్ పోన్స్ఫర్డ్ (429) – 1923
– అప్తబ్ బలోచ్ (428) – 1974
– అర్చీ మెక్‌లారెన్ (424)- 1895
– సామ్ నార్త్‌ఈస్ట్ (410*) – 2022
– గ్రీమ్ హిక్ (405) – 1988
– బ్రియాన్ లారా (400*) – 2004 (ఇంగ్లండ్‌పై.. టెస్టుల్లో ఏకైక క్వాడ్రపుల్‌ సెంచరీ లారా పేరు మీదే ఉంది.. మిగిలినవారంతా దేశవాళీలో ఈ ఘనతలు అందుకున్నారు)

 

 

𝗙𝗢𝗨𝗥 𝗛𝗨𝗡𝗗𝗥𝗘𝗗!

Sam Northeast becomes the first Glamorgan player ever to reach 4⃣0⃣0⃣ 👏

𝐒𝐞𝐧𝐬𝐚𝐭𝐢𝐨𝐧𝐚𝐥. It also brings up the 450 partnership! 🤯

𝗪𝗮𝘁𝗰𝗵 𝗹𝗶𝘃𝗲: https://t.co/F3GGp6mm3i#LEIvGLAM | #GoGlam pic.twitter.com/DFrFk15QUW

— Glamorgan Cricket 🏏 (@GlamCricket) July 23, 2022