Australian Open : ఆస్ట్రేలియన్ ఓపెన్లో టాప్ సీడ్లు రఫ్పాడిస్తున్నారు. వరల్డ్ నంబర్ 1 నొవాక్ జకోవిచ్ (Novak Djokovic) క్వార్టర్స్కు దూసుకెళ్లాడు. ఆదివారం జరిగిన నాలుగో రౌండ్ మ్యాచ్లో 35 ఏండ్ల అడ్రియన్ మన్నారినో(Adrian Munnarino)ను జకో చిత్తుగా ఓడించాడు. వరుస సెట్లలో జోరు కొనసాగించిన ఈ సెర్బియా స్టార్ 6-0, 6-0, 6-3తో అలవోకగా గెలుపొంది రికార్డు స్థాయిలో 58వ సారి గ్రాండ్స్లామ్ క్వార్టర్స్లో అడుగుపెట్టాడు.
ఈ ఫీట్తో జకోవిచ్ టెన్నిస్ దిగ్గజం రోజర్ ఫెదరర్(Roger Federer) రికార్డు సమం చేశాడు. ఇప్పటివరకూ జకోవిచ్ ఆస్ట్రేలియన్ ఓపెన్లో 14సార్లు, రొలాండ్ గారోస్లో 17 పర్యాయాలు , వింబుల్డన్లో 13 సార్లు, యూఎప్ ఓపెన్లో13 దఫాలు క్వార్టర్స్లో ఆడాడు.
Through to ANOTHER #AusOpen quarterfinal ✨@DjokerNole • #AusOpen • #AO2024 pic.twitter.com/Jms4c7JWFb
— #AusOpen (@AustralianOpen) January 21, 2024
ఇక మహిళల సింగిల్స్లో అరినా సబలెంక(Aryna Sabalenka), అమెరికా టీనేజర్ కొకో గాఫ్(Coco Gauff) క్వార్టర్ ఫైనల్లో కాలు మోపారు. రెండో సీడ్ సబలెంక అమంద అనిసిమోవాపై 6-3, 6-2తో గెలుపొందింది. తద్వారా వరుసగా ఆరో గ్రాండ్స్లామ్ క్వార్టర్స్కు అర్హత సాధించింది.
Sunday serving session with Sabalenka and Anisimova 🌠 #DrinkResponsibly • #CanadianClubAO • #PerfectServe@wwos • @espn • @eurosport • @wowowtennis pic.twitter.com/6ftXIpOkK2
— #AusOpen (@AustralianOpen) January 21, 2024
దాంతో, అమెలీ మౌరెస్మో(Amelie Mouresmo) తర్వాత ఈ ఘనత సాధించిన చిన్న వయస్కురాలిగా సబలెంక రికార్డు నెలకొల్పింది. మరో మ్యాచ్లో అమెరికా సంచలనం గాఫ్.. పోలాండ్కు చెందిన మగ్దలెనా ఫ్రెచ్ను 6-1, 6-2తో ఓడించి తొలిసారి క్వార్టర్స్కు దూసుకెళ్లింది.