T20 World Cup 2024 : టీ20 వరల్డ్ కప్ కోసం అంతర్జాతీయ క్రికెకట్ కౌన్సిల్ అన్ని ఏర్పాట్లు చేస్తోంది. ఇప్పటికే బ్రాండ్ అంబాసిడర్లు ప్రమోషన్ పనుల్లో బిజీగా ఉండగా.. తాజగా ఐసీసీ ఎలైట్ కామెంటరీ ప్యానెల్(Elite Commetory Panel)ను ప్రకటించింది. అందులో ఐపీఎల్కు వీడ్కోలు పలికిన ఆర్సీబీ మాజీ ఆటగాడు దినేశ్ కార్తిక్(Dinesh Karthik)కు చోటు దక్కింది.
ఓవైపు స్టార్ స్పోర్ట్స్ కామెంటేటర్గా కొనసాగుతూనే కార్తిక్ ఐపీఎలోనూ ఫినిషర్గా మెరపులు మెరిపించాడు. అయితే.. ఎలిమినేటర్లో రాజస్థాన్ రాయల్స్ చేతి(Rajasthan Royals)లో బెంగళూరు ఓటమి అనంతరం కార్తిక్ తన సుదీర్ఘ ఐపీఎల్ కెరీర్కు మంగళం పాడిన విషయం తెలిసిందే.
All-star commentary panel 🎙
Some of the biggest names in cricket and broadcasting gather for the ICC Men’s #T20WorldCup 2024 🤩https://t.co/S0a5rU5jfW
— ICC (@ICC) May 24, 2024
కార్తిక్తో పాటు భారత మాజీ ఆటగాళ్లు రవి శాస్త్రి, సునీల్ గవాస్కర్, హర్ష భోగ్లేలు ఎలైట్ ప్యానెల్లో ఉన్నారు. ఇక విదేశీయుల జాబితాలో పొట్టి, వన్డే వరల్డ్ కప్ కెప్టెన్లతోపాటు ఇంగ్లండ్ మాజీ సారథి మైఖేల్ వాన్, ఇయాన్ బిషప్, మెల్ జోన్స్లు తమ మాటలతో కామెంటరీ బాక్స్లో సందడి చేయనున్నారు.
వరల్డ్ కప్ విజేతలైన రికీ పాంటింగ్, మాథ్యూ హేడెన్, రమిజ్ రాజా, ఇయాన్ మోర్గాన్, వకార్ యూనిస్, టామ్ మూడీ, వసీం అక్రమ్లు తమ విశ్లేషణలతో ఆటను రక్తి కట్టించనున్నారు. వీళ్లే కాకుండా డేల్ స్టెయిన్, గ్రేమ్ స్మిత్, మైఖేల్ ఆర్థర్, సౌమన్ డల్, షాన్ పొలాక్, కేటే మార్టిన్, జేమ్ ఒ బ్రెయిన్, నటాలీ జెర్మన్సన్, డానీ మోరిస్, అలిసన్ మిచెల్, అలాన్ విల్కిన్స్, బ్రియాన్ ముర్గట్రాయిడ్, మైక్ హేస్మన్, ఇయాన్ వార్డ్, అథర్ అలీ ఖాన్, రస్సెల్ అర్నాల్డ్, నీల్ ఓ బ్రెయిన్, కాస్ నాయిడు, వెస్టీండీస్ మాజీ సారథి డారెన్ గంగలు సైతం కామెంటరీ బాక్స్లో గొంతు చించుకోనున్నారు. ఈ ఏడాది అమెరికా, వెస్టిండీస్ సంయుక్తంగా ఆతిథ్యమిస్తున్న వరల్డ్ కప్ జూన్ 1న షురూ కానుంది.
ICC’s epic new anthem will debut in the opening match of the Men’s #T20WorldCup 2024 😍
Know more 👇https://t.co/0ilKK2IquW
— ICC (@ICC) May 23, 2024