Dean Elgar : దక్షిణాఫ్రికా మాజీ కెప్టెన్ డీన్ ఎల్గర్(Dean Elgar) కెరీర్కు వీడ్కోలుకు ముందు గొప్ప ఇన్నింగ్స్తో అలరించాడు. సెంచూరియన్(Centurion)లో జరుగుతున్న తొలి టెస్టులో ఈ డాషింగ్ ఓపెనర్ రికార్డు సెంచరీ బాదాడు. డబుల్ సెంచరీకి 15 పరుగుల దూరంలో శార్థూల్ ఠాకూర్(shardhul thakur) బౌలింగ్లో వెనుదిరిగాడు. రాహుల్ క్యాచ్ పట్టడంతో 185 పరుగులకే వెనుదిరిగిన ఎల్గర్ సెంచూరియన్లో అత్యధిక రన్స్ కొట్టిన రెండో సఫారీ ఓపెనర్గా రికార్డుకెక్కాడు.
సెంచూరియన్ గ్రౌండ్లో సఫారీ విధ్వంసక ఓపెనర్ హెర్షలీ గిబ్స్(Herschelle Gibbs) అత్యధిక రన్స్ కొట్టాడు.. 2004లో వెస్టిండీస్పై గిబ్స్ 192 రన్స్తో వీరవిహారం చేశాడు. మాజీ కెప్టెన్ గ్రేమ్ స్మిత్(Graeme Smith) 139 పరుగులతో మూడో స్థానంలో నిలవగా.. గ్యారీ కిర్స్టెన్ 134 రన్స్తో నాలుగో స్థానంలో కొనసాగుతున్నాడు. కిర్స్టెన్ 1999లో వెస్టిండీస్పై సెంచూరియన్లో ఈ ఫీట్ సాధించాడు.
గ్రేమ్ స్మిత్, హెర్షలీ గిబ్స్
తొలి టెస్టులో క్రీజులోకి వచ్చినప్పటి నుంచి ఎల్గర్ భారత బౌలర్లకు పరీక్ష పెట్టాడు. ఒక ఎండ్లో వికెట్లు పడుతున్నా గోడలా నిలబడి పరుగులు దొంగిలించాడు. చెక్కుచెదరని ఏకాగ్రతతో టెస్టుల్లో 14వ సెంచరీ నమోదు చేశాడు. ఇక మూడో రోజు కూడా క్రీజులో పాతుకుపోయిన ఎల్గర్ 185 పరుగులకు ఔటయ్యాడు.
ఆరో వికెట్కు మార్కో జాన్సేన్(Marco Jansen)తో కలిసి పరుగులు జోడించి జట్టును పటిష్ట స్థితిలో నిలిపాడు. భారత్తో టెస్టు సిరీస్తో అంతర్జాతీయ క్రికెట్కు రిటైర్మెంట్ పలుకనున్నట్టు ఎల్గర్ ఇంతకుముందే ప్రకటించిన విషయం తెలిసిందే.