Cristiano Ronaldo : క్రిస్టియానో రొనాల్డో.. ఈ పేరు వింటే ఫుట్బాల్ అభిమానుల(Football Fans)కు పూనకలే! అంతలా ఫుట్బాల్పై చెరగని ముద్ర వేసిన రొనాల్డో రికార్డుల మీద రికార్డులు తిరుగరాస్తూనే ఉన్నాడు. ఇప్పటికే లెక్కలు మిక్కిలి రికార్డులను తన పేరిట లిఖించుకున్న ఈ పోర్చుగల్ స్టార్(Portugal Star) తాజాగా మరో ఘనత ఖాతాలో వేసుకున్నాడు. ఇన్స్టాగ్రామ్(Instagram)లో ఏకంగా 600 మిలియన్ల ఫాలోవర్ల మార్క్ చేరుకున్నాడు. అంటే.. అతడి 60 కోట్ల మంది ఫాలో అవుతున్నారు.
దాంతో, రికార్డు స్థాయిలో ఇంతమంది అభిమానులను దక్కించుకున్న తొలి వ్యక్తిగా రొనాల్డో అరుదైన ఘనత దక్కించుకున్నాడు. అర్జెంటీనా స్టార్ లియోనల్ మెస్సీ(Lionel Messi)కి 482 మిలియన్.. అంటే 48 కోట్లకు పైగా ఫాలోవర్లు ఉన్నారు. ప్రపంచంలోని మేటి ఫుట్బాలర్ అయిన రొనాల్డో నిరుడు నవంబర్లో 500 మిలియన్ల(50 కోట్ల) ఫాలోవర్లను చేరుకున్నాడు. ఈ ఫార్వర్డ్ ప్లేయర్ స్వల్ప వ్యవధిలోనే మరో 10 కోట్ల అభిమాన గణాన్ని సంపాదించాడు.
తన అద్బుత ఆటతీరుతో మైదానంలో ప్రత్యర్థులకు సింహస్వప్నంలా నిలిచే రొనాల్డో భవిష్యత్లో మరిన్ని రికార్డులు కొల్లగొడుతాడనడంలో ఎలాంటి సందేహం అక్కరలేదు అనిపోస్తుంది. ప్రస్తుతం రొనాల్డో సౌదీ అరేబియా(Soudi Arabia)కు చెందిన ఆల్ నాసర్(Al Nassr) క్లబ్కు ప్రాతినిధ్యం వహిస్తున్నవిషయం తెలిసిందే.